Претходно
Без многу труд, лесно и едноставно: Освежете го едноделниот костим за капење со само еден шик детаљ
Датум: 27 јун 2016
Коментари: 0
Дали имате досаден едноделен костим за капење кој веќе сите го виделе? Со помош на овој едноставен туторијал, вие без многу вложување ќе добиете феноменален костим за капење, а сè што ви е потребно се само неколку минути од вашето време. Потоа, сите ќе ве прашуваат каде можат да пронајдат токму таков модел на костим за капење!
Потребно ви е:
- Едноделен и еднобоен костим за капење
- Компјутер и принтер
- Термо чувствителна хартија од винил
- Ножички
- Селотејп
- Пегла
Начин на изработка:
1, На хартијата отпечатете текст по сопствена желба, водејќи сметка за големината. Исто така, обидете се да ја наместите хартијата во печатачот, така што ќе го отпечатите натписот на сјајната страна.
2. Отпечатените букви исечете ги со ножички. Обидете се да бидете што е можно попрецизни. Кога се во прашање големи букви, нема да имате никаков проблем.
3. Одлепете го самолепливиот дел, па залепете го на костимот за капење, буква по буква.
4. Штом ќе залепите неколку букви, врз нив ставете памучна крпа и преминете со жешка пегла, но внимавајте да не се задржите подолго од две минути. Правете го тоа штом ќе залепите неколку букви, бидејќи доколку почекате додека завршите со сите букви може да се случи да не се залепат убаво.
Тоа е тоа, вашиот оригинален, шик и тренди костим за капење е готов!
