9 трикови што секој студент треба да ги знае

9 трикови што секој студент треба да ги знае

Кога ќе отидете на факултет ќе сфатите дека има еден куп работи што не можете да ги научите сѐ додека не ги искусите. Кога ќе треба да делите одредени нешта со вашиот/вашата цимер/ка, ќе се научите да правите многу работи за кои до тогаш не сте ни помислувале дека е возможно да се направат. Покрај тоа што ве чекаат напорни денови за учење, зошто дополнително да си ги отежнувате работите? Погледнете ги овие неколку трикови кои барем малку ќе ви помогнат да си го олесните студентскиот живот.

1. Направете сами звучник за телефон

9 трикови кои секој студент треба да ги знае

Покрај тоа што студентските денови се исполнети со учење, тука не е исклучена и забавата. Ако одлучивте да се соберете со своите пријатели и сакате да пуштите музика, но притоа сфатите дека немате звучници, овој проблем лесно можете да го решите со работи кои најверојатно веќе ги имате во станот или куќата. Ролната тоалетна хартија е вистинскиот избор. Направете дупка колку да го собере вашиот телефон, прицврстете го за неа и веќе ќе имате звучник. Исто така може да ги искористите и пластичните или хартиените чаши. Исечете дупка во нив и ставете ја ролната од тоалетна хартија од страните за да го засилите звукот.

2. Користете замрзнато грозје за да го изладите виното

9 трикови кои секој студент треба да ги знае

Освен музиката, при собирањето со пријателите честопати ќе имате и вино. Ако некогаш сте заборавиле да го изладите, тогаш решението е замрзнато грозје. Ставете во замрзнувачот и искористете го кога ќе ви биде најпотребно. На овој начин нема да имате вода во виното што би било случај ако користите лед.

3. Користете плејлиста за побрзо да се подготвите

9 трикови кои секој студент треба да ги знае

Едно нешто што повеќето луѓе го прават наутро е брзање при подготвувањето. Најдобриот начин да го избегнете доцнењето на предавањата е секојдневно да слушате една иста листа со песни. Откако песните ќе станат ваша рутина, ќе знаете кога и колку време потрошувате на една активност, па ќе можете да побрзате со подготовките.

4. Изберете закачалки кои собираат повеќе алишта

9 трикови кои секој студент треба да ги знае

Бидејќи најверојатно плакарот ќе треба да го делите со вашиот/вашата цимер/ка, ќе морате да научите да користите помал простор за алиштата. Одличен избор за ова се закачалките што собираат повеќе парчиња облека.

5. Заштедете време за подготовка на оброк

9 трикови кои секој студент треба да ги знае

Микробрановата печка станува секојдневие во студентскиот живот. Па, наместо да чекате да загревате два оброци едно по друго, ова може да го постигнете со користење шолја. Ставете ја едната чинија, до неа ставете ја шолјата, а врз неа другата чинија. Ова ќе ви овозможи да ги загреете и двата оброци одеднаш.

6. Избегнете плеткање на жиците

9 трикови кои секој студент треба да ги знае

Вклучените телевизор, лаптоп, телефон или таблет во истиот штекер може да направат хаос. Со цел да го избегнете плеткањето на жиците, можете да создадете своја сопствена кутија каде што ќе ги полните своите уреди. Не само што ќе го спречите нередот, туку ќе знаете и кој кабел го исклучувате.

7. Одржувајте го уреден вашиот фрижидер

9 трикови кои секој студент треба да ги знае

Студентскиот живот не нуди луксуз, па повеќето места за живеење имаат мал фрижидер. Ако се обидувате да ставите повеќе работи, а притоа имате и шишиња, тогаш ова е одличен трик за да заштедите простор. Користете клип за документи и спречете ги шишињата да се тркалаат наоколу.

8. Полесно сушење на лакот за нокти

9 трикови кои секој студент треба да ги знае

Девојките ќе се согласат дека чекањето да се исуши лакот за нокти е една од најдосадните работи. Ако се брзате за факултет или за излегување, тогаш можете да го користите овој трик за сушење на лакот. Ставете ги ноктите во сад со ладна вода и оставете ги неколку секунди, или пак едноставно ставете ги под чешмата со ладна вода и забрзајте го процесот.

9. Заштитете го полначот за телефон

9 трикови кои секој студент треба да ги знае

Повеќето од нас имаат навика да го остават телефонот да се полни во непријатна позиција. Една од последиците е тоа дека наскоро ќе го видите полначот искинат на рабовите. Еден начин да го заштитите од ова е да ставите пружина од пенкало околу него. Ова ќе го спречи непријатното виткање и нема да дозволи да се искине.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Економист во изградба, а страстен обожавател на пишаниот збор уште откако знае за себе. Смета дека животот без домашно милениче не изгледа комплетен, а кафето со многу шеќер го смета за едно најубавите утрински задоволства.

Поврзани содржини

Остави коментар