Претходно
8 мали нешта што можете да ги направите за да им помогнете на пчелите да преживеат
Пчелите се столбот на околината каква што ни е позната денес и им помагаат на животните и растенијата со разнесување полен. Над 20.000 видови пчели ширум светот се најважната група разнесувачи на полен за дивите и одгледуваните растенија. Можеме да им се заблагодариме на пчелите за продукти како компири, мандарини, јаболка и слично. Еден од три залаци што ги ставате во уста, имаат придобивки од разнесувањето полен од страна на пчелите.
За жал, и покрај тоа што пчелите се од голема важност за околината, нивниот број почнува да се намалува. Постојат разни фактори за ова, вклучувајќи ги човечкиот развој, пестицидите, болестите и климатските промени. Поради ова многу организации и волонтери се здружуваат за да ја подигнат свеста за важноста на пчелите и да го спасат целиот вид. Погледнете што можете да направите вие за да им помогнете на пчелите.
1. Заштитете живеалиште на пчели
Една од заканите за пчелите е намалување на нивните живеалишта. Сите можеме да помогнеме во урбаните средини така што ќе создаваме повеќе градини, зелени делови и живеалишта за пчели со цветови. Ако мислите дека треба да направите огромна ливада, не грижете се. Овие зелени делови можат да бидат поставени на улици и тераси, додека цветовите можат да бидат посадени покрај патот.
2. Избегнувајте штетни пестициди
Синтетичките пестициди, ѓубрива и хербициди се некои од опасностите со кои се соочуваат пчелите. Избегнувајте употреба на пестициди во вашата градина и заменете ги со органски опции. Исто така користете ги овие средства навечер, кога пчелите се најмалку активни. Можете и да искористите инсекти како бубамари и богомолки кои ќе ви помогнат во градината.
3. Направете бања за пчели
Можете да наполнете плитка чинија или сад со чиста вода и да додадете неколку камчиња кои ќе излегуваат од водата. Ова ќе биде одлично место за пчелите каде што ќе можат да одморат додека прават пауза.
4. Направете дом за пчели
Иако е познато дека пчелите живеат во кошница, ова важи само за медените пчели. Повеќето видови пчели се осамени суштества и 70% од нив живеат под земја, а 30% живеат во дупки во дрва. Можете онлајн да купите „хотел за пчели“, или самите да направите и да создадете простор за живеење за осамените инсекти. Иако нема да ви направат мед, овие пчели ќе го разнесат поленот на околните цветови.
5. Направете градина за пчели
Можете да помогнете и со правење градина за пчели, каде што ќе можат да се одмараат, да работат и да собираат храна. Следете ги следниве совети:
- Избегнувајте хибридни цветови кои можат да бидат стерилни и речиси да немаат нектар или полен.
- Прескокнете ги двојните цветови кои немаат полен.
- Осигурете се дека ќе има расцветени цветови во текот на целата година.
- Садете ги цветовите по делови – пчелите сакаат да се фокусираат на еден вид цвеќиња.
- Оставете дел земја каде што пчелите ќе можат да прават гнезда.
6. Засадете дрва
Пчелите ги сакаат дрвата и најголем дел од нивниот нектар го собираат од нив. Дрвата не се само добар извор за храна, туку и одлично живеалиште. Иако проблемот со исчезнување на шумите е присутен, можете да го завршите вашиот дел така што ќе посадите некое дрво околу вашиот дом или во вашиот град.
7. Поддржете локален пчелар
Еден од најдобрите начини да помогнете е фармата за пчели. Но, не секој има желба или можности за ова. Добра алтернатива е да поддржите личност која веќе одгледува пчели. Овие луѓе напорно работат за овие инсекти и нивниот труд им помага и на пчелите, и на останатите луѓе. Најдобриот начин да ги поддржите пчеларите е да ги купувате нивните продукти. Повеќето прават мед и пчелин восок, а можете да најдете и пчелари кои нудат сапуни, лосиони и свеќи. Доколку купувате локален мед, голема е веројатноста да е собран и од вашите цветови.
8. Спонзорирајте кошница за пчели
Доколку не можете самите да направите фарма за пчели, можете да спонзорирате некоја иницијатива. Распрашајте се дали има нешто слично во вашата околина и донирајте колку што можете. Не само што ќе им помогнете на пчелите, туку ќе ја подобрите целата заедница.
Доколку навистина сакате да ја заштитите околината, најдобро е да се ослободите од овие утрински навики.
