14 животни цели кои секој 20-годишник сака да ги оствари

Сонуваме за голем успех и финансиска независност проследена со гордоста во очите на нашите родители. Еве што сè посакуваме да ни се оствари во нашите 20-ти.

14 животни цели кои секој 20-годишник сака да ги оствари

1. Добивање на првата плата од постојана работа

Иако сме благодарни и горди на парите кои сме ги заработиле од сезонските работи, гордоста е голема да се трошат парите од нашата прва, стабилна и постојана работа.

2. Посета на доктор со сопствено здравствено осигурување

Не здравствено осигурување на име на родителите, туку здравствено осигурување од вашата постојана работа како возрасни и независни.

3. Селење во сопствен стан/дом

Каде не можете да очекувате вашата мајка да го среди нередот по вас, вие сте задолжени самите за себе.

4. Финансиска независност

Свои финансии, моќ за располагање со нив, но и разум за правилно однесување со парите.

5. Имање заштеда

Колку и да е тешко да се тргне на страна некој денар, успех е ако почнете да штедите во вашите 20-ти.

6. Првата сериозна врска

Која трае најмалку една година и во која и двете страни се однесуваат како возрасни личности, а не како тинејџери. Можеби ќе заврши со брак, можеби нема.

7. Одење на вистински одмор

Она што секој 20-годиншник го сака е одењето на вистински одмор, сместување во хотел накитен со повеќе ѕвездички и гардероба купена специјално за одморот.

8. Стекнување навика за правилна исхрана

Да се храниме како возрасни, не со хамбургери, тостови и шпагети. Да знаеме да си зготвиме нешто добро, нешто како она што сме го јаделе дома.

9. Купување кола со сопствени финансии

Зборуваме за голем успех кој секој од нас го посакува. Да може да му ја подариме колата што ни ја купиле родителите на помалиот брат и да возиме низ градот со сопствен кул автомобил…

10. Вложување на првата инвестиција

Може да биде и многу мала, но да направиме некоја инвестиција за нашата иднина.

11. Правење голем чекор кон созревање

Како на пример, ослободување од тинејџерската облека или премачкување на собата во друга боја. Сакаме да останеме деца во душата, но и да созрееме.

12. Првата успешна расправа за покачување на плата

Сметате дека иако сте млади заслужувате покачување и унапредување, собирате храброст и влегувате во канцеларијата на шефот… па нека биде што биде.

13. Да ги почастите родителите со вечера

Да ги изнесете родителите на вечера а кога ќе дојде сметката вие да посегнете по неа, за промена.

14. Јавно објавување на некој свој труд

Книга, научно излагање, јавен говор и сл. Нешто во што сме вложиле многу труд и сакаме да го видиме нашето име на првата страница.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Слободното време го минува со голема шолја кафе и со добра книга во рака или пишувајќи го она што ѝ лежи на душата. Не може да поднесе неправда и негува емпатија кон луѓето. Како перфекционист опседнат да даде сè од себе, сонува да направи промена во светот околу неа. Креативна и желна за нови предизвици, со многу нови соништа секој ден, иако понекогаш плашлива од промена. По малку романтична со голема љубов кон англиските книжевни класици.

Поврзани содржини

Остави коментар