Претходно
Првиот електричен велосипед во светот кој се склопува
Како што технологијата сѐ повеќе се развива, така и иновациите го пронаоѓаат својот пат. Иако можеби ви се чинело дека велосипедот го достигнал својот врв на модернизација, овој пример покажува дека секогаш може да се оди и понатаму. Валентин Водев и Валери Волд го создадоа првиот велосипед во светот кој може да се преклопува и кој работи на електрична енергија што сама се полни како што вртите со педалите. Тој е наречен ВЕЛО Велосипед+ и неговата најдобра карактеристика е што има капацитет за складирање на произведената енергија. За да го направите ова, треба да го возите велосипедот и како што патувате, кинетичката енергија што ја произведувате се претвора во електрична енергија и ја полни литиум-јонската батерија. Покрај ова, велосипедот може да се вклучи и на полнач како и секој друг уред.
Со оваа енергија вашето патување до посакуваните дестинации ќе биде побрзо и полесно. Со целосно наполнета батерија, овој велосипед може да помине и до 32 километри со помош на вртењето на педалите.
Преклопниот механизам користи магнетна брава за полесен транспорт, при што тој станува доволно мал за да го собере и во еден куфер.
Овој велосипед сега е достапен за пред-нарачка, но се надеваме дека набргу и ние ќе можеме да уживаме во него!
