Претходно
Необичен часовник кој го „гравира“ времето
Постојат многу начини за да покажете колку точно е часот, а дизајнерите од швајцарската компанија „42foundry“ создале еден необичен и креативен часовник, наречен „ETCH“.
На мазна површина како камен, врамен во алуминиумска рамка, овој часовник на прв поглед не изгледа ништо поразлично од другите декоративни елементи во ентериерот. Но, она што изгледа како неподвижна површина, повремено формира дигитални знаци кои го покажуваат точното време.
Тајната е во еластичната мембрана која ја сочинува површината на часовникот и овозможува да се создаде елегантен 3Д ефект. Откако ќе го прикаже времето, мембраната полека се враќа во првобитната состојба.
Димензиите на часовникот се 40 x 40 сантиметри, тежок е околу 6 килограми, а може да се чува на маса или пак да биде закачен на ѕид.
Со помош на соодветна апликација од мобилниот телефон, можно е да го усогласите времето кое се прикажува на часовникот со моменталното. Апликацијата овозможува и избирање помеѓу два начина за прикажување на времето.
Режимот „Syng & Go“ го покажува времето на секои 30 секунди, а „Sync & Sensor“ го активира прикажувањето на времето на секоја половина минута само доколку регистрира звук во просторијата. Часовникот „ETCH“ е добар и ефикасен детаљ во ентериерот, но неговата цена е 1.450 долари.
