Претходно
Кујна која „оживува“ со само еден допир или движење
Иновативниот кујнски систем „V-Motion“ го претвора секој дом во интерактивно опкружување. Благодарение на паметниот механизам, конвенционалната кујна се претвора во кујна на иднината која „оживува“ со само еден допир или движење, па го олеснува секојдневното работење во оваа просторија.
Кујнските фиоки имаат интелигентен систем за отворање и затворање, кој се активира со едноставен допир од раката или ногата. Така, доколку сакате да ја отворите долната фиока, а рацете ви се зафатени, доволно е да ја допрете со ногата и кујната ќе одговори на вашето барање.
Користењето на кујната дополнително е олеснето со систем кој на движењето на раката го активира и го подига задниот панел на кујната, а истовремено ја врти чешмата и го вклучува светлото. На тој начин системот обезбедува повеќе простор во кујната и воедно ја прави поуредна.
Осветлувањето може да се избира на ист начин, со едноставни движења, а исто така овозможено е и внесување повеќе бои: Црвена, жолта, плава и зелена. Системот „V-Motion“ е креиран од еден водечки италијански производител на кујни, познат по елегантниот дизајн и врвната технологија.
Системот е вграден во најновата линија кујни „Genius Loci“, но може да се прилагодува и на други.
