Поезија: Парче чоколаден сон

Автор: Пеперутка

Парче чоколаден сонПарче сон ти подарувам.
Парче од мојот сон,
како парче чоколадна торта.
Не ти се верува?
Се радуваш и се сомневаш.
Премногу шлаг?
Таква сум.
Морам да ја доукрасам суштината
да не ја разголам премногу вистината.
Внимавај!
Да не се презаситиш од површината.
Вкусна е. Знам.
Но, следува содржината.
Ред тесто:
Сами меѓу многуте.
Прелив од блескави погледи,
тајни состојки.
Не се забележуваат
но имаат скокотливо нежен вкус,
се чувствуваат.
Ред фил:
Многу расфрлани зборови
чиниш случајно изгубени
бадеми и лешници.
Кремот се топи сам,
а нив треба добро да ги изџвакаш.
Да ја сфатиш смислата,
да ја доиграш играта,
да ја вкусиш суштината.
Ред тесто:
Шербетно слатки насмевки.
Ја чувствуваш блажината?
Допира до секоја клетка.
Наежува.
И пак ти се развлекува насмевка.
Задоволен?
Но, чекај, има уште…
Најубавиот ред фил:
Сите состојки соединети,
магични преливи разлеани,
страсни бакнежи растреперени.
Кулминација.
Го проголта последното залче од чоколадното парче.
Разбуди се!
Почна да го сонуваш мојот сон.
А јас сакам сонот да ми се оствари. На здравје!

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Читај на раат!

Поврзани содржини

  1. katerina Reply

    овој сон беше најсладок……….

Остави коментар