Претходно
Чаши за кафе кои ја будат креативноста
„Утринската молитва“ наречена кафе, покрај тоа што нè буди од сонот, ја буди и креативноста во нас. Најдобар пример за тоа се цртежите на малезискиот уметник со живеалиште во САД, Cheeming Boey. Тој дури и обичните еколошки чаши од стиропор за еднократна употреба, ги претвора во вистински ремек дела. Понекогаш цртањето врз нив, трае неколку пати подолго од самиот ритуал на пиење кафе.
Неговото скромно претставување на Фликр, гласи вака: „Моето име е Boey и цртам врз чаши“. Но, тоа е далеку од вистинската слика за него, бидејќи тој е истовремено илустратор, блогер, аниматор… Низ годините го развил и овој уникатен стил на цртање, кој очигледно му носи добри приходи. Чашите чинат од неколку стотици до неколку илјади долари, во зависност од комплексноста на цртежот и времетраењето на изработката. Можат да се купат на Etsy.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
