ТВ серија: Од Лос Анџелес до Лас Вегас (LA to Vegas)

ТВ серија за настаните што се случуваат во редовниот повратен лет од Лос Анџелес до Лас Вегас

ТВ серија: Од Лос Анџелес до Лас Вегас (LA to Vegas)Главни улоги: Дилан МекДермот, Ким Матула, Питер Стормар

Жанр: комедија

Креатор: Лон Зимет

Премиера: 2 јануари 2018

Број на сезони: 1

Времетраење: 20 минути

Јазик: англиски

Наша оценка: 7/10

Ваша оценка: 1 ѕвезда2 ѕвезди3 ѕвезди4 ѕвезди5 ѕвезди6 ѕвезди7 ѕвезди8 ѕвезди9 ѕвезди10 ѕвезди (1 гласа, просек: 10.00 од 10)

Loading...

 

Станува збор за комична ТВ серија што ги истражува животите на екипажот и патниците на редовниот викенд повратен лет од Лос Анџелес до Лас Вегас. Секоја епизода почнува со полетување на авионот во петок и завршува со враќање во недела. Можеби на прв поглед звучи малку ограничувачки и монотоно, но верувајте дека ќе се изненадите од материјалот што е достапен за обработка.

ТВ серија: Од Лос Анџелес до Лас Вегас (LA to Vegas)

Најдобриот дел од оваа ТВ серија е брилијантната динамика на карактерите во комбинација со урнебесните ситуации што настануваат во авионот. Водечкиот карактер, Рони, е стјуардеса со големи соништа. И иако таа се чувствува „заглавено“ во својата моментална работа, сепак е една од ретките што знае како да се справи со специфичните патници на овој лет. Таа е импулсивна и забавна, па затоа и ја прави целата серија многу поинтересна за гледање кога е присутна во кадарот. Од друга страна пак, еден од најлудите карактери е Капетанот Дејв (Дилан МекДермот), кој е полн со себе, најчесто под дејство на алкохол и секогаш расположен за споделување глупави шеги. Тој треба да лета со авионот, но повеќето од времето е поприсутен во патничкиот дел отколку во пилотската кабина, со оправдување дека машината е дизајнирана да лета сама.

ТВ серија: Од Лос Анџелес до Лас Вегас (LA to Vegas)

Иако овие два карактери најмногу се издвојуваат, целиот тим е одлично избран. Редовните карактери се надополнуваат едни со други, а „свежите“ патници воведуваат нешто уникатно и интересно во секоја нова епизода. На кратко, ако сте расположение за 20-минутно опуштање на мозокот и смеење на глупави шеги, тогаш без сомнение треба да ја гледате оваа серија.

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар