ТВ серија: Агентката Картер (Agent Carter)

http://www.imdb.com/title/tt3475734/

Мини ТВ серија за животот на Пеги Картер по исчезнувањето на Капетан Америка

ТВ серија: Агентката Картер (Agent Carter)Главни улоги: Хејли Атвел, Џејмс Дарси

Жанр: акција, авантура, научна фантастика

Креатори: Кристофер Маркус, Стивен Мекфили

Премиера: 06.01.2015

Број на сезони: 1

Времетраење: 42 минути

Јазик: англиски

Наша оценка: 9/10

Ваша оценка: 1 ѕвезда2 ѕвезди3 ѕвезди4 ѕвезди5 ѕвезди6 ѕвезди7 ѕвезди8 ѕвезди9 ѕвезди10 ѕвезди (8 гласа, просек: 8.25 од 10)
Loading...

Ако сте фан на работата на Марвел, особено на филмот „Капетан Америка“, тогаш оваа ТВ серија без сомнение ќе ве освои уште со првата епизода. Станува збор за животот на агентката Пеги Картер (Хејли Атвел) по исчезнувањето на Стив Роџерс.

ТВ серија: Агентката Картер (Agent Carter)

Тешко е да се биде жена во светот на мажите, особено во 1940-тите година. Картер, која е единствената жена во „Strategic Scientific Reserve“ постојано добива задачи како да е сечија секретарка. По нејзината голема улога во војната, таа сè уште не може да се адаптира на новиот живот и се чувствува како нејзиниот потенцијал да не е искористен. Токму затоа ќе прифати понуда која ќе ја врати назад во првите редови на „бојното поле“.

ТВ серија: Агентката Картер (Agent Carter) ТВ серија: Агентката Картер (Agent Carter)

Хауард Старк (Доминик Купер) е осомничен за продавање оружје на непријателот и изгледа дека случајот против него е прилично цврст. Токму затоа тој и Џарвис (Џејмс Дарси), неговиот батлер, ќе ѝ пристапат на Картер и ќе побараат нејзина помош. Хауард е убеден дека некој се обидува да го намести и ја замолува Картер да му помогне да го исчисти неговото име, но тоа да го стори тајно, без никој да открие. За да не биде сама, тој му вели на Џарвис да ѝ помогне во истрагата.

ТВ серија: Агентката Картер (Agent Carter) ТВ серија: Агентката Картер (Agent Carter)

Оваа мини ТВ серија ни овозможува да ја пополниме дупката помеѓу исчезнувањето на Капетан Америка и започнувањето на агенцијата „S.H.I.E.L.D“ преку очите на прекрасната и бестрашна Пеги Картер. Таа има одлична приказна, настаните се одвиваат прилично брзо, па токму затоа никогаш нема да ви биде здодевно, додека пак Џарвис воведува интересна и необична свежина, особено со неговиот однос кон жена му. На кратко, „Агентката Картер“ навистина вреди да се погледне!

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар