Претходно
Топ 8 филмови од Дизни со најголема заработка досега
Дизни е буквално велесила во филмската индустрија која вреди милијарди долари. Покрај нивните преработки на безвременските приказни и бајки, тие се одговорни и за филмовите на Марвел, Пиксар и Лукасфилм. Погледнете ја листата од филмови со најголема заработка досега…
1. Капетан Америка: Граѓанска Војна (Captain America: Civil War) од 2016
Заработувајќи вртоглави 408 милиони долари, овој филм го вклучува речиси целиот тим на Одмазниците (The Avengers). Воедно, филмскиот универзум на Марвел (Marvel Cinematic Universe) е франшиза која во моментов заработува најмногу, и ова не е единствениот нејзин филм на листата!
Прочитајте ја нашата рецензија за овој филм тука.
2. Железниот Човек 3 (Iron Man 3) од 2013
Победувајќи го за само 1 милион, Железниот Човек заработи 409 милиони долари. Овој филм повеќе се фокусираше на оригиналните ликови од стриповите, и не само што беше доста успешен во САД, туку успехот го следеше во целиот свет.
3. Приказна за играчките 3 (Toy Story 3) од 2010
Третиот дел излезе 15 години после првиот филм и беше сè освен разочарувачки. Заработи 415 милиони долари и поттикна уште еден филм од франшизата, кој би требало да ја доживее премиерата во 2019 година.
Прочитајте ја нашата рецензија за овој филм тука.
4. Кралот Лав (The Lion King) од 1994
90-тите години многу често се нарекувани „ренесансата на Дизни“, а „Кралот Лав“ е навистина фасцинантен.
5. Одмазници: Ерата на Ултрон (Avengers: The Age of Ultron) од 2015
Назад кон филмовите на Марвел, „Одмазници“ заработи неверојатни 459 милиони долари во 2015 година. Навистина ги сакаме суперхеорите, зарем не?
Ако уште не сте го гледале овој филм, можете тука да ја прочитате и нашата рецензија.
6. Барајќи ја Дори (Finding Dory) од 2016
Продолжението на „Барајќи го Немо“ (Finding Nemo) излезе цела деценија подоцна. Режисерот Ендрју Стентон изјавил дека одбивал да направи продолжение сè додека не ја добил вистинската инспирација, која донесе заработка од 486 милиони долари.
7. Роуг 1: Приказна од Војна на Ѕвездите (Rogue One: A Star Wars Story) од 2016
Иако всушност не постои како дел од оригиналната сага на „Војна на ѕвездите“ (Star Wars), ниту пак ги содржи главните ликови од оригиналната франшиза, Роуг 1 сепак ги привлече фановите на оваа приказна и заработи вртоглави 532 милиони долари. Овој филм исто така е и најновиот на оваа листа.
Прочитајте ја нашата рецензија тука.
8. Војна на Ѕвездите: Силата се буди (Star Wars: The Force Awakens) од 2015
Ниту еден филм не е ни блиску до заработката на „Силата се Буди“ која е речиси 1 милијарда. Заработувајќи 937 милиони долари, и возбудувајќи ги долгогодишните фанови на „Војна на Ѕвездите“, овој филм покажува која е вистинската сила на брендот и дека од Дизни не можеле да направат подобра инвестиција.
Нашата рецензија за овој филм може да се најде тука.
