Претходно
Филм: Робокап (Robocop)
Датум: 25 јул 2014
Коментари: 0
Кој ја има контролата, човекот или машината?
Режија: Жозе Падиља
Улоги: Џоел Кинаман, Гери Олдман, Мајкл Китон
Времетраење: 117 минути
Јазик: англиски
Премиера: 12 февруари 2014
Жанр: акција, авантура, научна фантастика
Наша оценка: 8/10
Ваша оценка: 
(12 гласа, просек: 6,50 од 10)
Loading...
Понекогаш навистина изненадува фактот што дел од најуспешните нови филмови се преработки на стари успеси, но Холивуд изгледа дека е добро запознаен со овој феномен, па токму затоа се обидува да го искористи најмногу што може. Овој пат станува збор за познатиот Робокап, полицаецот Алекс Марфи (Џоел Кинаман), кој е половина човек, половина робот.
Во овој филм, дејството се одвива во Детроит, во 2028-та година. Фирмата за производство на роботи, Омникорп, во моментот е на првото место кога станува збор за чување на мирот надвор од Америка. Тие заработуваат милиони долари за машините кои ги праќаат наместо војници во кризните области. Сакајќи да ја зголемат својата заработка, тие почнуваат да се борат и за дозвола за употреба на роботите на американско тло.
Но, изгледа дека луѓето не сакаат заштитници кои немаат срце, кои не знаат за чувства како на пример, за емпатија и за каење. Без разлика на нивната напредност во однос на тактичките способности, тие сметаат дека роботите не би можеле правилно да ја завршуваат својата работа поради недостатокот на човечноста. Поради овој проблем, Омникорп решаваат да направат нов дизајн на робот со надеж дека ќе го променат мислењето на јавноста, за кој ќе им треба жив човек.
Тие долго време ќе бараат соодветна личност за нивниот нов проект, личност која ќе го има потребниот тренинг, но и која ќе биде психолошки стабилна. За нивна среќа, Алекс Марфи, кој со својот партнер ќе влезат во трага на озлогласени криминалци, ќе заврши во болница, во критична состојба, притоа овозможувајќи им на Омникорп совршен човек за нивниот робот. Сѐ што останува е неговата жена да се согласи на проектот и да го препушти животот на Алекс во рацете на брилијантниот научник д-р Денет Нортон…
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
