Филм: Интервју (The Interview)

Зулендер на гости кај големиот лидер

Филм: Интервју (The Interview)Режија: Еван Голдберг, Сет Роген

Улоги: Џејмс Франко, Сет Роген, Рендал Парк, Диана Банг

Времетраење: 112 минути

Јазик: англиски

Премиера: 24 декември 2014

Жанр: комедија, акција

Наша оценка: 8/10

Ваша оценка: 1 ѕвезда2 ѕвезди3 ѕвезди4 ѕвезди5 ѕвезди6 ѕвезди7 ѕвезди8 ѕвезди9 ѕвезди10 ѕвезди (14 гласа, просек: 8.14 од 10)
Loading...

„Интервју“ е филмот за кој слушавте многу на вестите бидејќи предизвика хакерски напади врз Сони затоа што и тој прави шеги со нечиј голем идол. Иако филмот е смешен, тоа веројатно е она по што најмногу ќе се памети филмот. Сега останува само да се прашуваме (ако некого воопшто го интересира тоа) како ли ќе поминеше и оваа комедија без таквиот публицитет.

Филм: Интервју (The Interview)

А во него има доволно хумор и сатира за солидна политичка комедија. Се чини дека најисмевана во целата приказна е шоубизнис индустријата, а не некој диктатор. Дејв Скајларк, игран од Џејмс Франко, е водител на популарно ток-шоу кое на гледачите им сервира глупости, а ни самиот тој не е ништо попаметен. Тој неверојатно потсетува на Дерек Зулендер, ликот на Бен Стилер кој ја исмеа модната индустрија. Неговите неинтелигентни заклучоци се навистина смешни, можеби и најсмешниот дел од целиот филм.

Филм: Интервју (The Interview)

Арон (Сет Роген), продуцентот на Скајларк, сака да сними некое посериозно шоу и сака да се откаже од музичките и филмските ѕвезди. Тогаш ќе дознае дека „Скајларк Тунајт“ е омиленото странско шоу на Ким Јонг Ун, големиот мил лидер на Северна Кореја и брзо ќе успее да закаже интервју со него. Додека се спремаат за пат, ќе им пристапи ЦИА барајќи од нив да извршат атентат над Ким.

Филм: Интервју (The Interview)

Тоа што се случува до крајот е нивниот престој во Северна Кореја кај лидерот и несмасните обиди да го убијат. Во меѓувреме има и доста дружба со Ким и со оглед на она што (наводно) го знаеме за неговите афинитети може да сметаме дека имало и повеќе материјал за исмејување на неговиот лик и лицемерниот начин на владеење. Саша Барон Коен многу подобро ги претстави диктаторите во својот филм, но и „Интервју“ е исто така гледлив, смешен и секако забавен. Ова е филм кој сепак вреди да се гледа.

Филм: Интервју (The Interview)

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Го интересираат општествените науки и сето она што ја истражува повеќедимензионалноста на светот и човековото однесување, но од тоа само правото му е професија. Вљубеник во филмот, фотографијата, читањето и сите спортови на овој свет. Пишувањето му е задоволство кое му овозможува да биде во контакт со нив секој ден.

Поврзани содржини

Остави коментар