Претходно
Средната точка на вашата хороскопска карта може да ви открие дали ќе бидете успешни во кариерата
Еден дел од вашата хороскопска карта може да ви покаже колку ќе бидете успешни во вашата кариера. Овој дел е наречен средна точка и е највисоката точка на вашата карта. За да ја пронајдете вашата средна точка, потребни ви се точниот час, дата и место на раѓање. Тоа можете да го пресметате овде, а потоа прочитајте што открива вашата точка за вас. Точката е означена како MH (Midheaven) и се наоѓа во еден од хороскопските знаци.
Средна точка во Овен
Луѓето со овој знак секогаш гледаат кон иднината. Тие не размислуваат многу пред да преземат акција, па затоа им се потребни насоки. Дисциплината не им е најсилната страна и не веруваат во своите способности. Тие се најдобри кога некој ги води и им го покажува патот.
Средна точка во Бик
Овие луѓе се бавни, но посветени. Можеби ќе им бидат потребни години за да ја постигнат целта, но никогаш не се откажуваат. Тие не прифаќаат „Не“ за одговор и секогаш го следат својот сон. Можеби ќе биде подобро да се трудат повеќе бидејќи понекогаш знаат да бидат мрзливи.
Средна точка во Близнаци
Овие луѓе сакаат кога работите се одвиваат брзо, па често може да работат на две разни кариери истовремено. Рутината брзо им станува здодевна, па тие постојано бараат некаква промена. Најдобар избор за нив е кариера во областа на комуникации, новинарство или рекламирање.
Средна точка во Рак
Раковите се природни исцелители и имаат креативен пристап кон работите. Ќе имаат многу подеми и падови во нивната кариера поради емоционалната природа. Ним им е потребна работа каде што можат да се грижат за другите. Овие луѓе се одлични готвачи, социјални работници и професори.
Средна точка во Лав
Лавовите се движат кон својата цел со неверојатна самодоверба. Тие се храбри и веруваат во себе, но треба да внимаваат на арогантното однесување. Најуспешни се во кариерата која ги става на прво место, па би биле одлични актери, пејачи или танчари.
Средна точка во Девица
Девиците имаат одлично чувство за детали и дар за анализирање и критикување. Тие се најдобри кога можат да ги покажат своите способности. Најдобра кариера за нив е во областа на медицината, истражувањето, науката или литературата.
Средна точка во Вага
Вагите имаат дар добро да се претстават пред другите бидејќи се горди на себе. Тие секогаш ја бараат правдата и еднаквоста. Тие би биле одлични адвокати, менаџери и судии.
Средна точка во Скорпија
Припадниците на оваа група сакаат да ги разберат и најтемните делови кај луѓето кои инаку би биле незабележани. Тие имаат способност да ја откријат вистината зад секоја лага, и веруваат дека откривањето на овие вистини е тешка, но неопходна работа. Тие би биле одлични детективи, криминални психолози или актери.
Средна точка во Стрелец
Ова се луѓе кои сакаат да бидат во движење. Ним им е потребна кариера која ќе им овозможи да патуваат и да истражуваат нови и непознати места. Па, најдобрата кариера за нив е онаа која ќе им дозволува да патуваат. Тие се одлични пилоти и стјуардеси.
Средна точка во Јарец
Јарците ја сфаќаат кариерата премногу сериозно. Поради ова тие ќе успеат во која било област, и тоа многу брзо. Тие се родени за да го прослават своето име и за да заработат што е можно повеќе пари. Овие луѓе се многу добри директори, менаџери и бизнисмени, па затоа многу често предизвикуваат љубомора.
Средна точка во Водолија
За Водолиите најважно е да имаат слобода кога работат. Тие сакаат работа која можат да ја завршат само тие, користејќи ги нивните уникатни способности. Може да ѝ се посветат на една кариера, но во еден момент да се одлучат да ја променат. Тие сакаат да учат и поради многуте пријатели отворени им се многу можности.
Средна точка во Риби
Рибите најчесто го следат својот инстинкт кога станува збор за нивната кариера. Страста им е многу поважна од парите, па најчесто имаат кариери во областа на музиката, театарот, филмот и литературата. Бидејќи не знаат како правилно да ја насочат својата енергија, ним им е потребен агент или менаџер кој ќе им помогне да добијат признание за својата работа.
Погледнете и која е идеалната кариера за секој хороскопски знак.
