Претходно
Татко создава смешни фигури од храна за своите деца и за целиот свет
Еден татко од Англија успеал да ги охрабри своите деца да јадат повеќе овошје и зеленчук, трансформирајќи ја нивната храна во карактери од цртаните филмови. Марк Нортист кој живее со неговата жена Лиса (38) во Литлхемптон вели дека целата работа започнала кога неговиот син Оскар бил намуртен и не сакал да јаде.
„Опциите беа да го оставам да гладува, некако да го принудам да јаде или да му подготвам нешто коешто тој би сакал да го изеде. Денес, моите деца обожаваат да си прават фанки ручек, за кој сами доаѓаат до интересни идеи, а ги користат само состојките коишто ги имаме во фрижидерот.“
Освен што ги убедил своите деца дека јадењето овошје и зеленчук е вкусно и здраво, Марк го претворил неговиот изум во многу успешен бизнис. Тој напишал книга т.н. „Funky Party“ која станала хит кај мајките во Британија. Цената на книгата е 7,99 фунти, а таа содржи мешавина од рецепти (сендвичи, печена храна, пудинзи, колачиња, топли вечери, пијалаци и ужини). Оваа книга станала многу популарна и во основните училишта, за охрабрување на децата да вкусат здрава храна, на еден забавен и возбудлив начин.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
