Претходно
Руски стан за кој сонува секое семејство: Влезете во овој раскошен дом со преубави бои
Ако замислиме како би изгледал еден совршено уреден модерен стан, би рекле дека руските дизајнери успеале да ги претворат нашите мисли во ремек-дело.
Дизајнерите од студиото Svoya претвориле едноставен дуплекс во вистинско семејно гнездо. Белата боја го отвора просторот во секоја соба, а сината и црната боја ја комплетираат неутралната палета.
Едноставната дневна соба со аголна гарнитура е совршено место за собир на целото семејство. Од дневниот престој се преминува во трпезаријата и кујната во кои владеат едноставност и елеганција во совршен склад со бела и дрво боја.
Белите модерни скали не го оптоваруваат просторот иако се поставени во централниот дел од станот.
Модерните висечки лустери создаваат рамнотежа на високите тавани, а стаклената ограда покрај тенкиот гелендер додава прозрачност и му дозволува на просторот уште повеќе да диши.
Спалната соба е уредена во контраст од црна и бела боја со елементи на темновиолетова, додека кафеавите нијанси во купатилото асоцира на природен камен и на оваа просторија ѝ дава ефект на спа-центар.
На спратот има и мини дневна соба со ефектни украси на ѕидот, а во неутрална комбинација од светлосина, бела и беж боја е уредена детската соба во која преовладуваат чувството на нежност и спокој.
Погледнете како е уреден остатокот од просторот на следната страница…
