Претходно
Погледнете го ова неверојатно виножито направено од илјадници разнобојни конци
Во големата галерија во Музејот на уметност во Толедо, Охајо, обично можат да се најдат класични уметнички дела, стотици години стари. Но, сега таа добила нов современ изглед благодарение на ова прекрасно виножито направено од човечка рака кое го краси центарот на галеријата.
Уметникот заслужен за ова неверојатно дело е Габриел Дав кој е роден во Мексико и има специјализирано во ликовната уметност позната како мешани медиуми.
Имено, тој прави инсталации изработени од обоени конци кои личат на светлосни зраци што се одбиваат од ѕидовите на затворените простории.
Ова неверојатно виножито е неговата најнова инсталација, наречена „Plexus no. 35“.
Таа ќе биде дел од големата галерија во Музејот на уметност во Толедо до 22-ри јануари, 2017 година.
Мора да признаеме дека се работи за навистина креативна идеја која сигурно бара извонреден талент и посветеност за да се реализира. Зар не би сакале и вие вакво виножито во вашиот дом?
