Претходно
Овој креативен татко ги фотошопира неговите деца во ултраоткачени ситуации
Се сеќавате на талентираниот татко од Швајцарија, за којшто веќе имаме пишувано претходно? Самоукиот фотограф и дигитален уметник Џон Вилхелм веќе 7 години, создава креативни спомени од животот на неговите деца. За неговата фотосерија од смешни семејни фотографии, тој умешно ги комбинира секојдневните активности и гримаси на неговите деца со фотографија и дигитална манипулација. Фантастичните сцени коишто ги креира се неверојатно забавни, шокантни и неочекувани, инаку во спротивно би помислиле дека се реални. Џон Вилхелм толку вешто ги спојува сцените со неговите субјекти, што крајниот резултат изгледа хармонично и хомогено.
Вилхелм секогаш е во потрага по нови идеи за неговите фотоманипулации, а неговата работа станала нормален составен дел од неговото семејство. Неговата сопруга и нивните четири деца му помагаат да дојде до нови замисли, но тој признава дека колку повеќе тие растат, толку потешко станува да ги натера да влезат во студиото и да позираат пред фотообјективот.
Како и да е, таа мала препрека нема да го спречи Вилхелм да продолжи да ги фотошопира неговите деца како сурово вежбаат во теретана, имаат необични дружби со животни и инсекти или натпревари по скијање. Неодамна, Вилхелм и неговата сопруга го проширија нивното семејство со четвртото дете, кое е првиот син во семејството, па сигурно сме дека уште многу години ќе уживаме во неговите креативни фотоманипулации.
Креативните фотоманипулации продолжуваат на втората страница…
