Претходно
Неверојатна модерна книжарница во Кина
Кинескиот град Ксиан станува центар на архитектурата и дизајнот со помош на дизајнерот Томоко Икегаи, од компанијата IKG inc. Книжарницата и комерцијалниот центар YJY Maike Centre Flagship дава топло и модерно чувство, што ги сместува книгите и знаењето во центарот.
Со цел да го направи местото да изгледа и како библиотека и како галерија, Томоко ги спојува концептите на две нивоа, на површина од речиси 4.500 метри квадратни.
Имајќи цел да создаде амбиент каде што луѓето, културите и книгите од целиот свет ќе се спојат, тој ја нагласил литературната тема низ целиот ентериер. Посетителите веднаш влегуваат во концептот, и уште на влезот ги пречекува полица за книги од 10 метри. Отворениот осветлен простор над скалилата е исполнет со „летачки“ парчиња хартија, кои само чекаат да бидат испишани.
„Библиотеките се места за учење и ценење на независното време, додека галериите се како интелектуални простори за изложување на културата. Овој дизајн ги комбинира елементите од двете и вклучува карактеристики од архитектура на палата, со цел да ги охрабри посетителите и продавницата да соработуваат и да споделуваат идеи“, изјавил Томоко.
Томоко црпел инспирација и од јапонските и кинеските палати, играјќи си со големината на просторот и уредувањето на поврзаните простории. Интимните места за седење и богатите дрвени тонови го прават ентериерот удобен и даваат рамнотежа покрај големата архитектура.
Вториот кат на книжарницата е направен како лоби. Со цел да се зголеми чувството на гостопримство, има и кафетерија која охрабрува социјализирање. На ова ниво е претставен концептот на Томоко за галеријата. Ниските тавани, темниот под и кутиите за изложување создаваат атмосфера на галерија и одлично се врзуваат со книжарницата на подолниот кат.
Продолжува на следната страница…
