Претходно
Неверојатна куќа чиј дизајн е инспириран од пеперутка
Имајќи ја на ум замислата на клиентот пеперутки да ја посетуваат оваа област како инспирација, архитектите ја поделиле оваа куќа лоцирана во Калифорнија, на 3 помали павилјони. Секој од овие павилјони има сопствена функција. Централната област вклучува дневен простор, трпезарија и кујна, додека пак другите два павилјони се наменети за спиење, бањање и релаксација. Структурите се скромни во поглед на големината, но сепак секој од нив се проширува во надворешни простории кои овозможуваат драматичен поглед кон кањонот и далечните ридови.
Крововите кои личат на пеперутка се неверојатно поетски, но и функционално изработени. Тие го нагласуваат погледот кон околните ридови, го спојуваат внатрешниот простор за живеење со пејзажите и ја собираат водата од дождот. Секој од овие кровови е дизајниран така што ја пренасочува водата од дождот кон фонтана и кон колекција од базени од каде што потоа се употребува за наводнување. Погледнете ги и останатите фотографии од овој несекојдневен дом.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
