Претходно
Малиот принц – фотосесија на соништата
Датум: 19 апр 2013
Коментари: 0
Секогаш кога ќе помислите дека не сте доволно храбри или силни за да ги остварите сопствените соништа, само погледнете ги овие фотографии и сигурно нема да си дозволите да се откажете. „Малиот принц“ е фотосесија која ќе ви го стопли срцето и истовремено ќе ве потсети на предизвиците со кои секојдневно се соочуваат луѓето ширум светот.
На сликите е прикажан малиот Лукас кој има 12 години и страда од мускулна дистрофија. Суровата болест не му дозволува да биде активен како сите други момчиња на негова возраст и за жал го лишува од едноставните, но убави искуства и спомени. Токму поради тоа, словенскиот психолог и фотограф Матеј Пељхан се решил барем за кратко да ги оствари соништата на малиот Лукас, и тоа на многу креативен начин.
Благодарение на имагинацијата, Лукас може да нурка, да вози скејтборд, да игра кошарка и барем за кратко да биде обично 12-годишно момче. Матеј веќе подолго време е посветен на работа со деца со посебни потреби, а особено е добар во својата работа благодарение на сопственото животно искуство. Всушност самиот ја изгубил раката и едното око во несреќа кога бил дете и токму поради тешката рехабилитација може полесно да се поврзе со децата кои поминуваат низ истото.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
