Претходно
Безвремени идеи за уредување на домот
Многу често во светот на уредување на ентериерот се менуваат трендовите. Меѓутоа, некои стилови и декорации ја носат титулата на безвремени. Денес ви претставуваме 15 класични дизајни кои секогаш ќе бидат во мода и со чиј избор никако нема да погрешите.
1. Добро осветлување
Наједноставниот трик за убав и топол изглед на вашиот дом е доброто осветлување. Изберете го она осветлување кое подеднакво ќе го осветли секој дел од просторијата. Исто така, изберете осветлување со класичен изглед и кое се вклопува во естетиката на вашиот ентериер.
2. Уметност
Ова е една од оние дизајнерски стратегии кои не мора многу да ве чини. Без разлика дали се работи за урамен постер, слика или пак скулптура која сте ја пронашле во некоја антикварница, она што е важно е дека токму тоа парче ве претставува вам.
3. „Вистински“ материјали
Материјалите, како што се вистинско дрво или керамички плочки, имаат долг временски век доколку правилно ги одржувате. Со оглед на тоа што секогаш се во тренд, тие се и многу исплатливи. Истото важи и за материјалите како бакар или мермер. Кога ќе дојде време за да изберете материјали за вашиот дом и сакате нешто кое долго ќе трае, тогаш обрнете внимание на оние кои историски би издржале најмногу.
4. Црно и бело
Единствената комбинација на бои која е вечна е дефинитивно спојот на црната и белата боја. Високиот контраст на овие бои на секоја просторија ѝ дава доза на елегантност, без разлика на тоа каков стил преферирате.
Продолжете на следната страница за да ги погледнете останатите идеи…
