Претходно
Зошто треба да ги јадете семките од лубеница?
Кога станува збор за овошје, летото е резервирано за вкусната сочна лубеница. Досега веројатно сте станале експерт во справувањето со црните и здодевни семчиња. Но, време е да престанете со нивното отстранување затоа што тие можат да бидат вкусни и неверојатно здрави.
1. Што ги прави овие семки толку посебни?
Како и сите други семки и јаткасти плодови, така и овие црни семчиња содржат хранливи материи и протеини. Всушност, тие во себе имаат повеќе протеини и помалку јаглени хидрати од едни други омилени грицки – бадемите.
2. Како да ги подготвите семките од лубеница?
Сигурно досега сте голтнале голем број сирови семки од лубеница и сте виделе дека не се случило ништо лошо во вашиот стомак, но, најголемите придобивки ќе ги добиете ако ги излупите и исушите. Ви звучи како многу работа околу ситните зрнца? Па, да, но доколку имате трпение може да ви биде добро хоби. Исто така, можат да се најдат веќе подготвени и во некои продавници за здрава храна.
3. Како се консумираат?
Ова е веќе наједноставниот дел. Подготвените семки, кои претходно сте ги испекле со малку маслиново масло и сол, можете да ги вклучите во речиси секој ваш оброк на различни начини. Можете да ги измешате во јогурт, заедно со други житарки. Исто така, крцкавите семки ќе ја надополнат и вашата салата од свеж зеленчук или измешајте ги во здравите пијалаци од свежо овошје.
