Зошто тој сè уште не ви кажал дека ве сака?

Зошто тој сè уште не ви кажал дека ве сака?

Една од најлошите работи кои можат да ѝ се случат на една девојка или жена во врската, е таа да му каже на својот партнер дека го сака, а тој да не ѝ возврати. Голем број жени тогаш мислат дека сториле нешто погрешно и дека тие се виновни за настанатата непријатна ситуација. Но, факт е дека постојат неколку причини поради кои момците или мажите не возвраќаат на таквата изјава.

(1) Зошто тој сè уште не ви кажал дека ве сака?

1. Не е сигурен во вашата врска

Една од главните причини најчесто е неговата несигурност околу тоа на каде оди вашата врска. Можеби му треба уште малку време за да види колку е силна поврзаноста со вас. Исто така, многу момци, најпрвин сакаат да ве запознаат со неговото семејство, па потоа да ви изјават љубов. На тој начин стекнуваат одредена сигурност.

2. Се плаши од врзување

Мажите генерално се плашат од долгорочни „обврзувања“ поради што многу тешко ги изговараат искрените изјави за љубов. Тоа не значи дека не ве сака, туку поверојатно е дека е премногу исплашен од сите очекувања кои доаѓаат со отворањето на душата. Потребно е да му дадете уште малку време и започнете ја оваа тема многу внимателно.

3. Можеби тоа веќе го покажал на невербален начин

Мажите ги покажуваат своите емоции сосема различно од начинот на којшто тоа го прават жените. Наместо да ви кажат, тие ќе ви покажат преку страсни бакнежи, држење за рака, искрени прегратки, грижа за вашите чувства. Затоа, доколку до вас имате партнер кој сè уште не ви кажал, но на безброј други начини ви покажал дека ве сака, бидете среќни. Кога ќе почувствува доволна сигурност ќе ги изговори и тие магични зборови кои толку многу посакувате да ги слушнете.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Книжевник, новинар, сонувач... Го обожува утринското кафе без шеќер. Верува дека убавите нешта се кријат во мали и едноставни пакувања.

Поврзани содржини

Остави коментар