Зошто не е добро да спиете на стомак?

Спиењето на стомак на многумина им е омилена положба, но тоа носи низа здравствени и естетски ризици.

zoshto-ne-e-dobro-da-spiete-na-stomak-kafepauza.mk

Ортопедите предупредуваат дека спиејќи во оваа положба, го исправуваме природно закривениот долен дел на грбот, што може да резултира со утрински болки во ‘рбетот.

Друг проблем е тоа што кога спиеме на стомак, обично главата ни е свртена на едната страна, што неповолно влијае на цервикалниот ‘рбет (вратот), лигаментите и мускулите покрај ‘рбетот. По спиењето во оваа положба можна е појава на утринско трпнење во рацете и нозете.

Спиејќи на стомак поминуваме долго време потпрени на еден дел од лицето, што предизвикува создавање на брчки и подуеност на лицето.

Ако спаѓате во упорните спијачи на стомак, обидете се уште вечерва да ја промените положбата.

Експертите се согласни дека најздраво е да се спие на грб. Тоа е добра положба за ‘рбетот, за здравјето на внатрешните органи, па дури и за слабеењето. Тие препорачуваат и да ставате перниче под колената за ‘рбетот да се намести во оптимална положба.

Сепак, спиењето на грб има и една маана – не е добро за лицата кои ‘рчат, затоа што јазикот паѓа и постепено ги затвора дишните патишта што предизвикува рчењето да биде уште поинтензивно.

За авторот
Верува во луѓето и сака да ги разбира. Музиката – страст, кафето – љубов. Позитивна личност и ја гледа добрата страна и во најлошите работи. Невозможното е возможно кога ќе се открие вистинскиот пат.

Поврзани содржини

Остави коментар