Претходно
„Жешки“ парфеми за Св. Валентин
Датум: 05 фев 2012
Коментари: 0
Автор: Александра Чакаровска
Денот на вљубените само што не дошол, а вие немате никаква идеја што да ѝ поклоните на вашата партнерка? Ангелите на „Victoria’s secret“ се токму тука за вас! „Victoria’s secret“ издаде специјално креирана колекција на парфеми спакувани во ексклузивни и луксузни пакувања наменети токму за овој празник. Адријана Лима и Линдзи Елингсон се ангелите кои одблиску ќе ве запознаат со мирисната нота на парфемите.
Еден од новите парфеми што можете да ги купите е „Simply Gorgeous“ (Едноставно прекрасен). Поседува волшебна нота проследена со мирис на црвени јаболка, цвеќиња и ќилибар.
Вториот парфем е „Bombshell in Love“ (Секс-бомба). Станува збор за лимитирано издание спакувано во луксузно розово шише на пруги, романтично, а истовремено и гламурозно. Се одликува со пријатна нота од црвен грејпфрут, малина и азиска круша, со силни ноти на божур цвеќиња, јасмин и пурпурна фрезија, придружени со основните ноти на сандалово дрво, мошус и крем розово кедрово дрво.
Додека ги разгледувате и се двоумите кој од парфемите ќе го изберете, можете да ја погледнете жешката фотосесија на прекрасните ангели направена токму за Денот на вљубените.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
