Претходно
Здрава, крцкава и вкусна ужина: Колачиња од банана и кокос
Датум: 30 мај 2016
Коментари: 0
Кога ќе посакате за ужина нешто слатко и вкусно, а истовремено и многу здраво, тогаш пригответе ги овие прекрасни колачиња од банана и кокос
Потребни состојки:
- 3 банани
- 100 грама кокос
- 150 грама овесни снегулки
- 50 милилитри палмово масло или друго масло, по желба
- Пола кесичка ванилин шеќер
Начин на подготовка:
Загрејте ја рерната на 180 степени. Бананите изгмечете ги или пак смелете ги во блендер, за да добиете пире. Пирето од банани, овесните снегулки, кокосот и ванилинот шеќер измешајте ги заедно во чинија. Во тепсија ставете хартија за печење, а потоа ставајте по една лажичка од смесата. Печете помеѓу 15 до 20 минути.
Доколку сакате, додадете парчиња сечкана, црна чоколада, па секако, вкусот ќе биде поубав. Колачињата чувајте ги во кутија или пластична кеса и не заборавајте го трикот дека доколку ставите парчиња леб во кесата или кутијата, колачињата ќе останат свежи подолго време.
