Здрав рецепт за зимница без конзерванси

Здрав рецепт за зимница без конзерванси

Наједноставниот и најпрактичен начин да се задржат витамините од свежиот зеленчук до следната пролет, со помош на природни конзерванси кои се добри за вашето здравје…

Здрав рецепт за зимница без конзерванси

Потребни состојки:
  • Краставици
  • Зелен патлиџан
  • Моркови
  • Карфиол
  • Келераба
  • Кромид (помала главица)
  • Ротквица
  • Пиперки
  • Зелка
Потребни зачини:
  • Сол
  • Шеќер
  • Бибер во зрна
  • Ловоров лист
  • Оцет со 9% алкохол
Начин на подготовка:

Измијте го целиот зеленчук добро, исчистете го од темните делови и добро исушете го од водата. По потреба исечкајте. Во теглите наредете го зеленчукот густо, наизменично, а потоа сипете по една мала шолја оцет, лажичка сол, лажичка шеќер, неколку зрна бибер и еден ловоров лист.

Теглите наполнете ги до врв со ладна вода, добро затворете ги и наредете ги во големо тенџере така што ќе бидат потопени целосно во вода. Тенџерето ставете го на шпорет и оставете ја водата да врие, а потоа намалете го огнот и оставете ги тивко да се варат 10-тина минути. Потоа внимателно извадете ги теглите и со капаците насочени кон долу наместете ги во некој голем сад и прекријте ги со крпи. Оставете ги да се оладат на собна температура во текот на ноќта.

Зимницата припремена на овој начин е целосно конзервирана без никакви штетни додатоци, природна е и нема да се расипе со тек на време.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар