Заборавете на пеглањето со помош на овие 5 паметни методи

Заборавете на пеглањето со помош на овие 5 паметни методи

На листата на сите домашни работи кои ги мразиме, пеглањето на облеката се наоѓа некаде помеѓу миењето садови и чистењето на тоалетот. Значи, при врвот на домашните обврски. На крајот од краиштата, целиот тој процес започнувајќи од поставувањето на даската за пеглање, чекањето да се загрее пеглата и досадното преминување со неа по облеката повторно и повторно е вистинско трошење на време и нерви.

Но, што доколку ви кажеме дека постојат побрзи, алтернативни начини кои се подеднакво ефективни како и пеглањето со пегла? Пронајдовме 5 паметни методи кои ќе ви помогнат да ги отстраните наборите од облеката и тоа без пегла!

1-zaboravite-na-peglanjeto-so-pomosh-na-ovie-pet-pametni-metodi-www.kafepauza.mk_

1. Израмнување на облеката со влажен пешкир

Можете да го испробате овој едноставен трик дури и кога не сте дома. За најдобри резултати, поставете ја вашата истуткана облека на рамна површина и одозгора ставете влажен пешкир или крпа. Лесно притиснете и израмнете го истутканото подрачје. Почекајте да се исуши и готово!

4-zaboravite-na-peglanjeto-so-pomosh-na-ovie-pet-pametni-metodi-www.kafepauza.mk_

2. Фенот за коса не е наменет само за коса

Оваа метода е многу едноставна и се постигнува во три чекори: закачете ја вашата истуткана облека, напрскајте ја со вода, а потоа оддалечете се неколку сантиметри и сушете ја со фен додека наборите не исчезнат.

2-zaboravite-na-peglanjeto-so-pomosh-na-ovie-pet-pametni-metodi-www.kafepauza.mk_

3. Методот во бањата

Оваа метода трае малку подолго, но е најпопуларна и најефективна алтернатива за пеглањето. Прво, затворете ги прозорите и вратата во бањата за да не циркулира воздухот, а потоа земете ја вашата истуткана облека и закачете ја некаде во близина на тушот или кадата (внимавајте водата да не може да допре до алиштата). Потоа истуширајте се или избањајте се како и обично. За тоа време, пареата која ќе се создаде од врелата вода ќе го опушти материјалот и сите набори на вашата облека ќе исчезнат.

3-zaboravite-na-peglanjeto-so-pomosh-na-ovie-pet-pametni-metodi-www.kafepauza.mk_

4. Користете воден спреј

Закачете ги истутканите предмети на отворено подрачје. Застанете 30 сантиметри подалеку и лесно напрскајте ја облеката со најобичен воден спреј. Наборите ќе исчезнуваат како што облеката ќе се суши.

6-zaboravite-na-peglanjeto-so-pomosh-na-ovie-pet-pametni-metodi-www.kafepauza.mk_

5. Испеглајте ја облеката со чајник

Концептот зад трикот со чајникот е сличен како оној во бањата, но ефективен е за помали, лесни набори. Загрејте ја водата во чајникот до температура на вриење и држете го истутканиот дел од вашата облека отприлика на триесеттина сантиметри над него додека сите набори не исчезнат.

5-zaboravite-na-peglanjeto-so-pomosh-na-ovie-pet-pametni-metodi-www.kafepauza.mk_


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар