За здрава и сјајна коса: Направете природни балсами за коса

Започнувајќи од кожата, па преку избелувањето на ноктите, па сè до косата, можеме да заклучиме дека јаболковиот оцет е досега незаменлива природна состојка на сите домашни рецепти за нега и убавина. Сега е лето, а ние се почесто сме излезени надвор, одиме на море и уживаме во прекрасното топло време, а забораваме на нашата коса на која не ѝ одговара толку многу сонце и директното изложување на сончевите зраци. Поради тоа, таа станува нежна и сува, па со самото тоа расте побавно и во некои случаи ја менува својата текстура. Затоа, заштитите ја вашата коса навреме и обезбедите ѝ третман каков што заслужува.

Во продолжение ви претставуваме четири одлични рецепти за балсами кои имаат иста основа, само што се менуваат етеричните масла во зависност од тоа каков е вашиот тип на коса. Принципот на правење е ист, откако ќе се измешаат сите состојки, потребно е добиениот балсам да се чува во стаклен сад со капаче, во фрижидер.

Основа:
  • 800 милилитри вода
  • 30 милилитри сок од алое вера
  • 15 милилитри јаболков оцет

Според вашиот тип на коса, во основата додадете ги следниве продукти:

За масна коса:
  • 2 капки масло од лаванда
  • 10 капки масло од маточина
  • 13 капки масло од смил
За побрз раст на косата:
  • 5 капки масло од лаванда
  • 10 капки масло од ела
  • 10 капки масло од нане
За против опаѓање на косата и првут
  • 5 капки масло од лаванда
  • 10 капки ванила
  • 10 капки масло од лимон
За испукани краеви
  • 7 капки масло од иланг-иланг
  • 18 капки масло од сандаловина

Како се нанесува:

Протресете го шишето или садот во кој што го чувате балсамот и нанесете ја посакуваната количина по должина на целата коса. Овој балсам не мора да се измива, но доколку сакате, можете.

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар