Претходно
За вредните домаќинки: 6 феноменални трикови за чистење на бањата
За важноста на чистата и уредна бања воопшто не мора да пишуваме. Иако поголемиот дел од вас сигурно веќе знаат како се чистат одредени делови од бањата, сепак обрнете внимание на овие 6 трикови кои ги споделуваме со вас. Тие се навистина сјајни, а што е најдобро од сè, сите средства кои ќе ги употребите за чистење ќе можете да ги направите сами. Она што е навистина важно е дека задолжително би требало да обезбедите заштитни ракавици за да ги избегнете иритациите на кожата.
1. Дамките од огледалото
Наместо класичниот спреј за стакло, можете да се послужите со пената за бричење. Природна, и многу подобра, варијанта е спрејот кој ќе го направите сами, на тој начин што во шише со прскалка ќе измешате сода бикарбона и хидроген пероксид.
2. Чиста када или туш кабина
Вашата када или туш кабина ќе сјаат доколку направите средство за чистење од следниве состојки: 120 милилитри оцет, 240 милилитри алкохол и две лажички сода бикарбона. Помешајте ги сите состојки со 400 милилитри топла вода и истурете ја смесата по кадата. Оставете ја така 15 минути и додека ја измивате ќе забележете неверојатен резултат.
3. Чиста шолја во тоалетот
Измешајте течност за миење на устата или пак паста за заби со вода и со оваа течност полијте ја тоалетната школка. Оставете да делува околу 30 минути, а потоа изрибајте ја и разликата ќе биде очигледна.
4. Сјајни плочки
Плочките ќе сјаат доколку ги избришете со памучна вата намокрена во избелувач за алишта.
5. Ослободете се од ‘рѓата
‘Рѓата ќе исчезне преку ноќ доколку врз неа посипете сол, а преку солта исцедете лимон. Утрото кога ќе се разбудите само избришете ја солта и ќе забележите дека ‘рѓата исчезнала.
6. Чиста завеса за туширање
За завесата за туширање да изгледа како нова, сипете 500 милилитри избелувач во шишенце со прскалка и додајте 2 лажички детергент за садови. Напрскајте ја завесата со оваа течност и пред да ја исплакнете, оставете ја неколку минути да делува.
