Претходно
Вкусен ирски тост со пржен кашкавал
Совршен избор за вечера…
Потребни состојки за 6 лица:
- 150 милилитри млеко
- 1,5 лажица брашно
- 400 грама чедар кашкавал
- 160 грама презла
- 1 лажица сенф
- 120 милилитри темно пиво
- 2 жолчки од јајца
- 4 млади кромитчиња
- 6 парчиња леб за тост
Начин на подготовка:
Загрејте го млекото, па потоа додајте во него брашно и мешајте сè додека не зоврие. Кога ќе почне да зоврива, намалете ја температурата со цел млекото малку да се згусне. Додајте го кашкавалот и мешајте на ниска температура сè додека не се стопи целосно, а потоа додајте ги и презлата, сенфот и темното пиво. Мешајте додека смесата не се соедини целосно.
Тргнете го тенџерето од оган и оставете го малку да се олади. Откако ќе се олади додадете ги жолчките и добро промешајте, а потоа додадете го и кромидот. Сипете ја смесата на лепчињата и потоа ставете ги во рерна да се загреат. Печете сè додека не поруменат и не добијат златно-кафеава боја. По желба, можете да печете со претходно подготвени печурки.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
