Вкусен десерт за благ почеток на неделата: Лесен чоколаден мус

Вкусен и лесен за правење, овој чоколаден десерт совршено ќе го дополни секој оброк

Лесен чоколаден мус

Потребни состојки:
  • 170 грама чоколадо
  • 80 грама млеко
  • 1 жолчка
  • 4 белки
  • 80 грама шеќер
  • 200 милилитри слатка павлака
Начин на подготовка:

Во сад за готвење ставете ги искршеното чоколадо и млекото, па поставете ги над пареа и загревајте на умерена температура. Непрекинато мешајте додека состојките не се соединат во една хомогена смеса. Тргнете ја смесата од пареата да се излади и потоа додадете ги жолчките. Посебно сматете ги белките во цврст шлаг, постепено додавајќи го шеќерот. Во смесата од чоколадо, полека, со лажица мешајте го шлагот. Припремете 6 мали стаклени чаши и во нив ставете го мусот од чоколадо. Декорирајте со шлаг и слатка павлака.

За авторот
Новинар. Самопрогласен актер. Џедај. Животна форма еволуирана да живее од филмови, видеоигри, музика, хумор и технологија. Хоби и рекреација: Појадок, ручек, вечера.

Поврзани содржини

Остави коментар