Варено вино според рецептот на Џејми Оливер

Што е зимата, ако не совршено време за чаша варено вино. Еве како во домашни услови сами да го подготвите и тоа според рецептот на одличниот Џејми Оливер.

(0) vareno-vino-spored-receptot-na-dzejmi-oliver-kafepauza.mk

Потребни состојки:
  • 2 шишиња црвено вино
  • 2 мандарини
  • 1 лимон
  • 1 лимета
  • 200 г шеќер
  • 1 стапче цимет
  • 6 каранфилчиња
  • 3 свежи ловорови листа
  • 1 рендано мускатно оревче
  • 1 стапче ванила
Начин на подготовка:

Излупете поголеми парчиња кора од мандарините, лимонот и лиметата. Во поголемо тенџере, на средна температура, ставете го шеќерот да се стопи. Додадете ги претходно излупените кори од овошјето и исцедете го сокот од мандарините. Потоа, ставете ги каранфилчињата, стапчето цимет, ловоровите листови, изренданото мускатно оревче и преполовеното стапче ванила. Сето тоа полијте го со половина литар вино.

Ваквата смеса нека крчка сѐ додека шеќерот целосно не се растопи во виното и оставете да се вари сѐ додека не стане како сируп. Кога сирупот ќе е готов, намалете ја температурата и додадете го остатокот од виното. Промешајте и оставете го да се готви на тивок оган уште пет минути. Веднаш после тоа послужете го во чаши и уживајте во уникатниот вкус.


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Дипломиран преведувач и толкувач. Непоправлив перфекционист. Љубопитна, интуитивна и насмеана. Ја сака уметноста и културниот живот. Идеалист. Верува во астрологија, убаво утринско кафе и позитивно размислување.

Поврзани содржини

Остави коментар