Скриените опасности во лакот за нокти

Индустријата на салоните за нега на ноктите расте неверојатно брзо, но она што луѓето не го знаат е дека козметичарките, но и оние кои ги посетуваат овие салони се изложени на секаков вид хемикалии. Токму затоа погледнете ги следниве скриени опасности кои се наоѓаат во лаковите за нокти и за кои никој не зборува…

Скриените опасности во лакот за нокти

Поголемиот дел од производите за нокти содржат голем број опасни хемикалии. Најчесто во нив можете да ја најдете состојката формалдехид која создава рак и го нарушува ендокриниот систем. Меѓу другото, содржат и толуен, како и дибутилфталат, кои исто така се многу штетни за оние кои работат во салоните за убавина.

Толуен

Станува збор за растворувач кој ви дава сјај на ноктите. Но, тој исто така може да влијае и врз централниот нервен систем, како и да доведе до голем број репродуктивни проблеми. Толуенот најчесто се користи како адитив во бензинот.

Дибутилфталат

Оваа состојка се додава во полирањето со цел да овозможи флексибилност. Но, исто како и толуенот, така и таа е позната по создавањето различни видови репродуктивни проблеми.

Формалдехид

Формалдехидот најчесто се користи за зајакнување на ноктите, но истовремено е познат и како канцерогена состојка која може да создаде различни видови рак.

Оние кои работат во салоните се постојано окружени со овие хемикалии, па токму затоа и плаќаат огромна цена. Тие често страдаат од иритација на кожата, патат од алергиски реакции, имаат проблеми со дишењето, мачнина, контракција на мускулите, па дури по долготрајна изложеност можат и да развијат рак.

Студиите покажале дека оние кои се многу изложени на овие хемикалии често имаат репродуктивни проблеми, како што се предвремен пораѓај, спонтан абортус и други видови компликации во бременоста. Токму затоа ве советуваме да користите производи за нокти кои не содржат формалдехид, толуен, ниту дибутилфталат.

Одбирајте ги мудро овие производи со цел да го заштитите вашето здравје, но и здравјето на оние околу вас!

За авторот
Дипломиран психолог кој обожава да пишува. Отсекогаш многу ја интересирала астрономијата и физиката, а животно мото ѝ е дека не смее да помине ни еден ден без танцување. Автор на книгата „На работ од времето“, првиот дел од трилогијата „Наследството на Вероника“.

Поврзани содржини

Остави коментар