Што значи да се биде професионален?

Автор: Калин Бабушку

Сите убаво знаеме дека за да бидеме успешни во која било работа и на кое било поле, треба да бидеме професионални. Но дали е тоа така? Дали сме професионални? Дали се придржувате до она што сте го ветиле или договориле?

shto-znachi-da-se-bide-profesionalen-kafepauza.mk

Постојат 5 работи коишто се својствени за еден професионалец, а тоа се:
  • карактер
  • став
  • стручност
  • компетентност
  • однесување

Знаејќи го нашиот менталитет и скромност, сигурен сум дека поголемиот број ќе кажат дека ги поседуваат сите 5 карактеристики или најмалку 3 од нив.

Јас за секој случај ќе споделам со вас неколку совети што можат да ја зајакнат вашата професионалност и се надевам дека тие ќе влијаат на вас. Се надевам дека советите ќе побудат размислување и ќе ве натераат да промените нешто кај вас и ќе бидете попрофесионални.

Запишете што сè треба да направите – така ќе ја намалите веројатноста дека нешто или некого ќе заборавите.

Не чекајте до утре – ако може веднаш да го завршите, завршете го. Ако не можете, дефинирајте кога можете или делегирајте.

Стоjте на тоа што сте го договориле – немојте да ги менувате ставовите и работите што сте ги кажале за краток период. Ако ништо друго, дајте им време да дознаете дали тоа зад кое сте стоеле е правилно или не.

Дефинирајте ги работите – Инвестирајте време во планирање и во дефинирање на задачите, со тоа ќе имате помала веројатност да испаднете непрофесионален.

Бидете стручни во тоа што го работите – Инвестирајте време во дообразување или консултирајте се со луѓе коишто имаат познавање. Немојте да дозволите да бидете назад со времето.

Личност од доверба – Да може луѓето да ви се доверат, да имаат сигурност во вас.

Бидете чесни – Кажувајте ја вистината и она што навистина го мислите. Немојте да зборувате зад грб.

Имајте интегритет – Бидете препознатливи во своите принципи и ставови.

Почитувајте ги другите – Третман кон сите луѓе со подеднаква важност.

Бидете позитивни – Никој не сака песимисти. Да се има оптимистички став кон работите и да пробувате да наоѓате решенија на проблемите, прави голема разлика.

Слушајте внимателно – Луѓето сакаат да бидат слушнати, па дајте им можност соодветно да ја презентираат својата идеја.

Бидете фокусирани – Немојте да дозволувате лесно да се дефокусирате. Немојте да дозволите приватните проблеми да ви влијаат на работата и обратно.

Поддржувајте ги другите – Помогнете им кога е потребно. Најдете време да им покажете на вашите колеги или пријатели како правилно да ги завршат работите (ако знаете како).

Одржувајте добри релации – Со сите околу вас (пријатели, колеги, соработници, клиенти, итн.).

Имајќи ги предвид поголемиот дел од работите што ги наведов, а и оние што ги немам наведено, многу лесно може да се дојде до заклучок дека е лесно да се биде професионален, само треба да се има желба. Желба да се промените! Желба да бидете навистина професионални!

Со успех во промените!

Петар Лазаров и Калин Бабушку, основачи на Македонија Експорт, се автори на прирачникот Tip of the week кој изобилува со совети за личен и професионален развој. Повеќе информации ќе најдете на нивната страница на Фејсбук.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Читај на раат!

Поврзани содржини

Остави коментар