Што ви кажуваат акните?

Сите сме пробале да го објасниме појавувањето на акните како резултат на хормонална промена. Но, местото на кое се појавиле акните значи повеќе отколку што претпоставуваме. Всушност, лицето е како мапа која ни покажува што не е во ред со нашиот организам и како резултат на што се појавиле акните. Поврзаноста е зачудувачка, а овој пристап сè повеќе се шири по дерматолошките клиники ширум целиот свет. Еве што ви навестуваат акните.

Што ви кажуваат акните?

Критичните области се означени со бројки и објаснети подолу.

1 и 2 – Проблеми со дигестивниот систем – Одбегнувајте брза храна и оброци со многу масти. Пијте повеќе вода и консумирајте освежително овошје и зеленчук, како краставица на пример.

3 –  Црн дроб – Намалете со алкохолот, мрсната храна и млечните производи. Оваа зона е исто така критична за алергии, па анализирајте ја добро храната која ја консумирате. Секој ден правете барем по 30 минути лесни вежби и спијте добро се цел вашиот црн дроб да се одмори.

4 и 5 – Дехидрација – Оваа зона се поврзува со дехидрација. Пијте многу течности.

6 – Срце – Проверете си го крвниот притисок, како и нивото на витамин Б. Намалете ја консумацијата на зачинета и лута храна и почесто излегувајте на чист воздух. Заменете ги „лошите“ масти со „добри“, како омега 3 и 6 масните киселини кои ги има во ореви, авокадо, риба и семе од лен. Бидејќи оваа област е критична за појавата на проширени пори, проверете го датумот на траење на вашата шминка.

7 и 8 – Бубрези – Пијте многу течности! Намалете на газирани пијалоци, кафе и алкохол.

9 и 10 – Дишните патишта – Можеби сте пушачи или алергични на нешто? Доколку и двете работи не важат за вас, консумирајте освежителна храна, намалете со шеќерот и редовно излегувајте на чист воздух. Месото и млечните производи намалете ги во исхраната, избегнувајте алкохол, кофеин и шеќер, а наместо тоа јадете многу зеленчук и консумирајте природни сокови и чаеви. Имајте на ум дека многу често главни виновници за појавувањето на акни во оваа област, се валканите телефони или навлаки од перници.

11 и 12 – Хормони – Главна зона која покажува проблеми со стрес и хормонски промени. Пробајте да го редуцирате нивото на стрес и да ја одржувате вашата кожа чиста. Еве еден интересен факт: акните во овие области се појавуваат за време на овулација, дури покажуваат на која страна овулирате.

13 – Стомак – Пијте билни чаеви и консумирајте храна со растителни влакна.

14 – Болест – Најчесто покажува дека вашето тело се бори со некаква бактерија за да избегне болест. Најдете начини да се опуштите, како вежбање јога и издвојување време за попладневни дремки.


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Слободното време го минува со голема шолја кафе и со добра книга во рака или пишувајќи го она што ѝ лежи на душата. Не може да поднесе неправда и негува емпатија кон луѓето. Како перфекционист опседнат да даде сè од себе, сонува да направи промена во светот околу неа. Креативна и желна за нови предизвици, со многу нови соништа секој ден, иако понекогаш плашлива од промена. По малку романтична со голема љубов кон англиските книжевни класици.

Поврзани содржини

  1. anonimen Reply

    Воопшто не е точно. Имам акни на челото, и тоа над веѓите, како што овде е означено 1 и 2 па воопшто не конзумирам мрсна храна, јадам секогаш зеленчук и овошје. Значи сум пола веган. На местата 9 и 10 имам акни, па не сум пушач. Никогаш не сум ни пробала да пушам.
    Би рекла се е хормонално и резултат на хормоните..

Остави коментар