Што ќе се случи ако ја голтнете мастиката?

Сигурно досега ви се случило случајно да ја проголтате мастиката за џвакање. Најверојатно сте се запрашале дали е тоа здраво и дали може нешто да ви се случи? Дали навистина ќе бидат потребни 7 години за да помине низ вашиот систем за варење? Дали мастиката навистина може да се замота околу срцето и желудникот?

Што ќе се случи ако ја голтнете мастиката?

Не грижете се, бидејќи сите овие набројани „опасности“ се всушност само митови. Вистина е дека дел од гумата за џвакање се состои од смола, масти, емулгатори и восок кои не се сварливи состојки, меѓутоа човекот во текот на животот јаде и многу други несварливи работи, но желудникот сепак излегува на крај со тоа. Несварливите делови од гумата за џвакање, едноставно ќе се истуркаат низ вашиот систем за варење, сѐ додека на крај буквално не излезат од организмот.

Меѓутоа, доколку во краток временски период сте проголтале неколку мастики, можно е да настанат некакви проблеми, бидејќи системот за варење не би можел толку брзо да го изврши туркањето, па може да дојде до блокада на целиот процес на варење. Тоа најчесто се случува кај децата, а во ваквите случаи е потребна лекарска интервенција. За среќа, тоа ретко се случува, па затоа следен пат кога случајно ќе ја проголтате вашата мастика на јаве или на сон, не грижете се – системот за варење ќе се погрижи за сѐ.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Љубопитна новинарка со истражувачки дух, во вечна потрага по доза креативност. Животно мото ѝ е дека без утринско кафе, без испеана песна и без малку возбуда не треба да ѝ помине ниту еден ден. Се релаксира со фина музика, длабок филм или прошетка во природа во добро друштво. Верува дека добриот совет и астрологијата ѝ помагаат да се разбере себеси и светот околу неа. Неостварен сон - да го прошета светот.

Поврзани содржини

Остави коментар