Сакате да станете успешна модна блогерка? Следете ги овие правила!

Освен тоа што се многу атрактивни и секогаш супер стилизирани, модните блогерки денес важат за едни од најуспешните жени во светот кои потпишуваат милионски договори со модните, козметички и други брендови. Тие имаат армија следачи на социјалните мрежи, а својот успех го постигнале со напорна работа, посветеност и љубов кон модата. Ако сакате да успеете, следете ги овие правила за да станете успешна модна блогерка.

1-sakate-da-stanete-uspeshna-modna-blogerka-sledete-gi-ovie-pravila-www.kafepauza.mk_

Најпрво запрашајте се: „Во што мојот блог се разликува од другите?“

Ова е клучно прашање кое мора да си го поставите пред да започнете со сопствен моден блог. Многу е важно да заклучите по што се разликува вашиот блог од останатите бидејќи во тоа се крие клучот на успехот.

Мора да знаете кои се вашите следачи и што сакаат

Вашите следачи се всушност вашата публика, па затоа следете ги нивните коментари. Тоа е најдобриот начин да го слушнете гласот на луѓето кои вас ве сакаат и ве следат.

Инстаграм е вашиот најдобар пријател

Ако сакате да започнете блог, најдобро е прво да започнете на Инстаграм. Тоа е најбрзиот начин од своето име да направите бренд, но исто така и да направите фотографии кои ќе ги привлечат луѓето да дојдат на вашиот профил и да ги погледнат вашите секојдневни комбинации. Освен ова, таму може да пронајдете инспирации за да го унапредите вашиот блог.

Важен е квалитетот, не квантитетот!

Кога ќе започнете со вашиот блог, најважно е вашите текстови, но и фотографии да бидат квалитетни, бидејќи само на тој начин ќе ги привлечете луѓето да ги погледнат. Ова значи дека на почеток не треба да има слики од вас во спалната соба туку креативни и интересни решенија кои на вистински начин ќе покажат дека сè разликувате од другите. Затоа, квалитетот мора да ви е пред квантитетот.

2-sakate-da-stanete-uspeshna-modna-blogerka-sledete-gi-ovie-pravila-www.kafepauza.mk_

Мора добро да сè познавате себеси

Многу девојки започнале свој моден блог, но не успеале. Причината за тоа е што тие не биле добро изградени како личности. Затоа за водење свој блог, многу е важно да се познавате себеси и својот стил за да можете да објавувате успешни постови.

Најуспешни се оние блогерки кои се свои

Вашиот моден блог треба да биде одраз на вашата личност, но и на вашата креативност и посебност. Затоа секогаш во своите комбинации кои ги носите и текстовите што ги пишувате внесувајте дел од она што навистина сте. Само на тој начин ќе бидете интересни и ќе успеете во работата што сте одлучиле да ја започнете.

Запрашајте се како изгледа вашиот тим од соништата

Кога еднаш ќе стекнете популарност во модниот свет, потребно е да имате потесен круг на луѓе кои ќе ви помагаат. Потребно е покрај вас да имате фотограф, но и човек кој ќе ви помогне околу дизајнот на вашиот блог, за секогаш да бидете иновативни и поразлични од другите. Вашиот тим со тек на време ќе се зголеми, а со самото тоа и вашата публика.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар