Професори од Харвард откриваат како да ги избегнете лековите за болка користејќи го вашиот ум

Лековите за болка, особено посилните, можат да имаат многу несакани ефекти. Денес во светот околу 30 милиони луѓе злоупотребуваат опиоиди. Многу од овие луѓе се зависни од овие лекови и не ги користат за рекреација, туку за намалување на хронична болка. Но професори од Харвард тврдат дека постојат и други начини да ја намалите болката.

profesori-od-harvard-otkrivaat-kako-da-gi-izbegnite-lekovite-za-bolka-koristejkji-go-vashiot-um-kafepauza.mk

„Релаксација, медитација, позитивно размислување и други слични техники може да ви помогнат да ја намалите потребата за лекови против болка.“

Како работат овие терапии?

Во болката учествуваат и умот и телото, па овие техники ја намалуваат вашата болка влијаејќи на вашиот ум, односно го менуваат начинот на кој ја перципирате болката. Тие ги издвоиле следниве техники како најдобри.

1. Длабоко дишење

Бидејќи е дел од останатите, длабокото дишење е првата техника која треба да ја совладате. Наместете се удобно во затемнета просторија. Затворете ги очите, или фокусирајте го погледот на една точка. Почнете да го забавувате дишењето. Дишете длабоко користејќи ги градите. Ако вашиот ум залута или ако ви се одвлече вниманието, помислете на некој збор, на пример „опушта“ и мислете само на него. Правете го ова 2-3 минути.

2. Повикување на одговорот за релаксација

Како противотров на одговорот за стрес кој го забрзува чукањето на вашето срце, е одговорот за релаксација кој го прави спротивното. За ова нема универзален метод кој функционира за сите, па може да ви биде потребно време да откриете што ви одговара вам. Седнете во удобна положба, затворете ги очите, опуштете ги мускулите и концентрирајте се на длабокото дишење. Целта е да го забавите дишењето и да се фокусирате на еден збор или фраза.

3. Медитација со визуализација

Оваа техника може да биде навистина моќна. Кога ја користите правилно, водената визуализација може да предизвика многу живописни слики кои предизвикуваат позитивни промени во вашето тело и ум. Постојат многу водени медитации од овој тип што можете да ги најдете на Јутјуб.

4. Смиреност

Одберете која било активност во која уживате – читање, пешачење, готвење… и целосно посветете ѝ се. Забележете го секој детаљ на она што го работите и следете ги вашите реакции. Обидувајте се да ја применувате оваа смиреност во секој аспект од вашиот живот. Тишината е многу корисна во оваа вежба.

5. Јога и таи чи

Овие вежби вклучуваат контролирање на дишењето, медитација и движења со кои ги истегнувате и зајакнувате вашите мускули. За разлика од другите вежби, овде движењата се бавни, па го подобруваат држењето на телото, рамнотежата, флексибилноста, координацијата и силата.

6. Позитивно размислување

„Кога сме болни, многу често се фокусираме на работите кои не можеме да ги правиме. Кога ќе го промените вашиот фокус кон работи кои можете да ги правите, ќе добиете пореална слика за себе и за светот“, изјавила една од професорите.

Таа советува да водите дневник во кој ќе ги забележувате сите нешта за коишто сте благодарни секој ден.

„Можеби имаме ограничувања, но тоа не значи дека не сме целосни човечки суштества.“

Дознајте и кои типови болка се поврзани со емоционалните состојби.

За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар