Претходно
Преслатки за да би ги јаделе: Колачиња-мечиња со гушнати бадемчиња
Толку се слатки што би ви било жал да ги ставите во уста. Сепак, одлични се за посебни прилики…
Потребни состојки и материјали:
- Калап во вид на мечиња
- 100 грама сенаменско брашно
- 2 лажици пченкарно брашно
- 20 грама компиров скроб
- Прстофат сол
- 40 грама шеќерен сируп (шербет)
- 10 грама мед
- 30 грама растително масло
Начин на подготовка:
- Загрејте ја рерната на 160°C
- Измешајте ги обичното и пченкарното брашно и просејте ги заедно 5 пати.
- Потоа брашното помешајте го со компировиот скроб и со солта во голем сад.
- Во посебен мал сад измешајте ги шербетот, медот и растителното масло.
- Течната мешавина измешајте ја со сувата и добро измешајте додека не добиете мазна смеса.
- Потоа добиеното тесто ставете го врз хартија за печење на рамна површина и истанчете го со сукало.
- Со калапот во форма на мече направете ги формите.
- Нацртајте ги лицата (три точки кои можете да ги боцнете со стапче за ражнич или некое друго шилесто кујнско помагало) и ставете бадемчиња на средината, врз стомакот. Потоа земете ги рачињата на секое мече и направете тие да ги гушнат бадемите.
- Со остатоците од тестото направете опавчиња за мечиња свртени одзади.
- Печете 10 минути, потоа намалете на 150°C и печете уште 10.
- Извадете ги од рерна и тие се готови.
Совет: Наместо бадеми можете да употребите други јаткасти плодови или бонбони.
Рецептот е базиран на видеото на Маа Тамагосан. Во оригиналниот рецепт се употребува 110 грама брашно за торта, а за сметка на тоа се изоставува пченкарното брашно.
