Претходно
Омилено зимско дуо: Мини здолниште и голем, топол џемпер
Кога низ прозорецот од собата ќе видите дождливи капки и дрвја кои се нишаат на силниот ветар, мини здолништето сигурно не е првото парче облека кое ќе ви падне на памет. Но, кога е времето нешто поблаго кон нас, тогаш тоа е идеална алатка за креирање сексапилна модна комбинација во која одличен баланс ќе направат големиот, топол џемпер и дебелите хулахопки. Со оглед на тоа дека хулахопките со принт станаа еден од најомилените трендови на секоја дама со стил, ова здолниште е идеален начин за и вие да ја покажете вашата интерпретација на овој тренд.
Кога зборуваме за популарни модели на здолништа, оваа сезона изобилуваат кожните и моделите на преклоп, изработени од твид. Карираните модели исто така се во тренд, а светкавите здолништа одлично ќе се вклопат во празничната еуфорија. Носете ги во комбинација со омилените модели на чизми, без разлика дали ќе изберете чизми до глужд или чизми над колена.
Продолжете на следната страница за повеќе фотографии…
