Претходно
Одри Хепберн ни ја открива тајната на здравиот живот
Одри Хепберн e холивудската дама чие име стои како синоним за добриот стил. Таа водела здрав живот и ги правела не само оние работи кои се здрави и позитивно влијаат врз организмот и телото туку и оние работи кои ја правеле среќна. Позната е по нејзините иконски улоги и хуманитарната работа и до денес е пример кога станува збор за физичката, но и внатрешната убавина. Во продолжение прочитајте дел од филозофијата за здравјето и правилната исхрана на Одри Хепберн која ја открива нејзиниот син, Лука Доти.
1. Пијте многу вода. Одри инсистирала секој да пие повеќе вода и имала големо влијание врз своите пријатели и познаници, а најмногу консумирала овошје.
2. Јадете месо, но помалку. Одри јадела месо, но во помали количини. Дури 80% од нејзините оброци се состоеле од овошје и зеленчук.
3. Не плашете се од стареењето. Одри имала една многу здрава верзија на својот живот и воопшто не се плашела од староста. Се разбира како и секоја жена се жалела на брчките и белата коса, но вистински уживала во секоја од своите години.
4. Компирот како неизоставен дел од секој оброк. За неа компирите биле незаменливи и скоро секогаш присутни на нејзиното мени.
5. Уживајте во малите работи. Одри имала позитивен поглед на животот. Секогаш била таква како што и изгледала – наивна и насмеана. Секогаш кога ќе откриела нешто ново, ќе отишла на пазар или ќе пронашла некој нов рецепт, била возбудена како мало детенце. Го сакала животот и се радувала на секој нов ден.
