Од Французинките до Индијките: Трикови за привлечен изглед на жените ширум светот

Од Французинките до Индијките: Трикови за привлечен изглед на жените ширум светот

Дека привлечноста е во очите на набљудувачот, најдобро го докажуваат различните стандарди за убавина ширум светот. Дознајте што прават жените од различни области на планетата Земја за да изгледаат убаво и привлечно.

1-od-francuzinkite-do-indijkite-trikovi-za-privlechen-izgled-na-zhenite-shirum-svetot-www.kafepauza.mk_

1. Жените од Иран се гордеат на совршено обликуваниот нос

Естетските операции на носот денес се вообичаени, но малку е познато дека тие се најпопуларни во Иран каде што жените не кријат дека биле „под нож“, туку се гордеат со тоа. Бидејќи нивното тело и коса се покриени со хиџаб, жените се фокусираат на она што е видливо за сите, а тоа е лицето.

2-od-francuzinkite-do-indijkite-trikovi-za-privlechen-izgled-na-zhenite-shirum-svetot-www.kafepauza.mk_

2. Жените од Нов Зеланд го красат своето лице со тетоважи

Жените од народот Маори во Нов Зеланд уште од памтивек ги украсуваат своите усни и брада со тетоважи. Тоа е античка традиција која е позната како „та моко“. Некогаш таквите тетоважи го означувале потеклото и општествениот статус, а денес се моден додаток.

3-od-francuzinkite-do-indijkite-trikovi-za-privlechen-izgled-na-zhenite-shirum-svetot-www.kafepauza.mk_

3. На жените од Азија им е најважен порцеланскиот тен

Во азиските земји светлата кожа е традиционален знак за убавина и богатство. Азијките и денес го негуваат обичајот да го избегнуваат сонцето за нивната кожа да не добие сончана боја. Особено во Кореја жените трошат многу пари на креми за избелување на кожата.

5-od-francuzinkite-do-indijkite-trikovi-za-privlechen-izgled-na-zhenite-shirum-svetot-www.kafepauza.mk_

4. Жените од Франција го сакаат природниот изглед

На Французите им е најпривлечен природниот изглед без тешка шминка. Тамошните жени велат дека сакаат да бидат свои и да ја истакнат природната убавина, а не да се прилагодуваат на некој стил. На Французинките им е поважна негата на кожата отколку шминката.

6-od-francuzinkite-do-indijkite-trikovi-za-privlechen-izgled-na-zhenite-shirum-svetot-www.kafepauza.mk_

5. Жените од античките племиња го „истегнуваат“ својот врат, уши, усни…

Во племето Карен во азиската држава Мјанмар има антички обичај во кој на жените целиот врат им е „окован“ со бронзени ланчиња. Декоративните кругови создаваат впечаток на растегнат врат, па жените од племето Карен се познати и како жирафи. Избричената глава и растегнатите ушни реси се илјадагодишни стандарди за убавина во африканското племе Масаи и другите племиња, во кои сѐ до денес се задржал и обичајот за растегнување на долните усни со помош на посебен „диск“. Во некои делови од Африка и Јужна Америка, традиционално на торзото се нанесуваат белези како знак на сензуалност.

4-od-francuzinkite-do-indijkite-trikovi-za-privlechen-izgled-na-zhenite-shirum-svetot-www.kafepauza.mk_

6. Жените во Индија цртаат по своите тела со к’на

Жените во Индија традиционално ги исцртуваат очите со темна линија за да бидат поизразени, а на рацете и стапалата сакаат да носат цртежи од к’на. Најпрепознатливиот индиски украс е бинди, обоената точка или скапоцен камен на челото. На Индијките им е важно нивната коса да биде долга и сјајна, а кожата ја осветлуваат со помош на посебни креми. Овие илјадагодишни традиции ги модернизирале индиските филмски ѕвезди во Боливуд.

7-od-francuzinkite-do-indijkite-trikovi-za-privlechen-izgled-na-zhenite-shirum-svetot-www.kafepauza.mk_


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар