Ниту една средба не е случајна: 5 видови синхронизирани животни конекции

Ниту една средба не е случајна: 5 видови синхронизирани животни конекции

Постои општо прифатено погрешно верување дека сите луѓе што ги сретнуваме во нашиот живот се случајност и дека повеќето немаат поголемо влијание на нас. Но ништо не е случајно. Живееме во неверојатен, магичен свет каде што постои скоро натприроден феномен што се случува во сечиј живот, а сепак успева да им избега на сите научни и рационални објаснувања. Иако не можеме да кажеме дека навистина сè се случува со причина, сепак тоа не значи дека нема бар малку вистина во оваа често користена изрека. Имајќи го тоа на ум, погледнете ги следниве 5 видови синхронизирани конекции што се случуваат секому на својот пат низ животот.

nitu-edna-sredba-ne-e-sluchajna-5-vidovi-sinhronizirani-zhivotni-konekcii-www.kafeauza.mk

1. Оние што нè потсетуваат

Постојат времиња во животот кога се оддалечуваме од нашиот пат без да знаеме. Токму тогаш сретнуваме луѓе што ќе нè инспирираат и ќе нè потсетат на нашата вистинска цел. Овие луѓе можеби само привремено ќе бидат во нашиот живот, но нашето сеќавање за нив ќе трае вечно.

2. Оние што зафаќаат простор

Ова се однесува на оние малите, кратки средби на сосема непланирани места, во сосема непланирано време, како на пример, во кафулиња, во автобус или едноставно на улица. Тогаш се препуштаме во мали разговори со овие луѓе, што ќе нè поттикнат на размислување, но бидејќи никогаш повторно нема да ги видиме, ние целосно ќе ги заборавиме.

3. Оние што нè будат

Понекогаш универзумот ни испраќа одредени личности што најчесто не остануваат во нашиот живот, но додека се во близина нè полнат со мотивација, нè охрабруваат да сонуваме и потоа си продолжуваат кон својата насока, далеку од нас. Токму тие нè поттикнуваат на најголемите промени.

4. Оние што ни помагаат да пораснеме

Сите ние сме имале и ќе продолжиме да имаме личности во нашиот живот од кои можеме многу да учиме – особено оние лекции што никогаш не би ги научиле самите. Тие ни даваат важни животни лекции што ни помагаат да станеме подобри луѓе.

5. Оние што остануваат

Иако е многу тешко да се најде личност што и покрај сè ќе остане покрај вас, без разлика дали станува збор за семејство, партнер или пријател – тие се највредните луѓе што некогаш ќе ги запознаете. Ако паѓате, тука се да ве фатат, ако заостанувате, тука се да ве поттурнат. Тие ќе ги делат вашите соништа и секогаш ќе ви го посакуваат најдоброто.

Прочитајте ја и оваа поучна приказна за силната поврзаност на љубовта и вистината.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар