Недостатокот на сон не е единствената причина: 5 видови замор и како да ги идентификувате

Недостатокот на сон не е единствената причина: 5 видови замор и како да ги идентификувате

Заморот е непријател на секого. Во тие моменти мислите само на вашиот кревет, но многу често и на долгиот ден кој е пред вас. Сепак, понекогаш не е само недостатокот од сон причина за замор. Важно е и „горивото“ што го внесувате во вашето тело. Нутриционистот Џеки Линч изјавила дека брзата храна може да има големо влијание на вашето ниво на енергија. Таа издвоила 5 видови замор.

Постојат 5 видови замор

1. Скокови на енергија

Постојаното покачување и спуштање на нивото енергија е поврзано со шеќерот во крвта. Со намалувањето и покачување на шеќерот во крвта, се случуваат и овие скокови на енергија.

2. Празнина

Оваа „празнина“ е дефинирана со ниското ниво на магнезиум. Магнезиумот ја поддржува функцијата на мускулите и го регулира одговорот за стрес. Во овој случај можно е да чувствувате грчеви во мускулите, главоболки и палпитации.

3. Слаба издржливост

Во овој случај, најчесто станува збор за недостаток од железо. Железото е важен дел од хемоглобинот. Ќе се чувствувате многу заморно, а оваа појава е најчеста кај жените со обилни менструации.

4. Намалена концентрација

Ако имате проблеми со концентрацијата, можно е да ви недостигаат некои витамини од групата Б. Многу често тие помагаат во зголемувањето на нивото на енергијата. Хроничниот стрес или честото консумирање алкохол може да ги отстранат Б витамините од вашето тело. За да го зголемите консумирањето Б витамини, внесете во вашата исхрана повеќе зеленчуци подготвени на пареа наместо варени.

5. Замор

Можеби сте испиле премногу кафе и не можете да спиете. Во овој случај тешко ви е да заспиете, а со ова може да се блокира и апсорбирањето на железо, што само придонесува да се чувствувате уште поизморено. За да го спречите ова, најдобро е да го ограничите пиењето кафе на една шолја дневно. Исто така избегнувајте ги газираните пијалаци кои содржат кофеин.

Па, ако се храните здраво и ако спиете добро, ќе се чувствувате многу подобро и посвежо наредниот ден.

Погледнете уште неколку причини за замор во текот на денот.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар