Научно докажани причини кои објаснуваат зошто постојано се дебелеете

Повеќе од половина милијарда луѓе ширум светот имаат вишок килограми, но нашата телесна тежина е последица на многу фактори и не можеме секогаш да ја обвинуваме брзата храна. Доколку вежбате и внимавате на вашата исхрана, но сепак постојано се дебелеете, следниве неколку научно докажани причини можеби ќе ви ја откријат мистеријата и ќе ви помогнат да разберете зошто тоа се случува…

Научно докажани причини кои објаснуваат зошто постојано се дебелеете

Ги одбегнувате семејните ручеци и вечери

Истражувањата покажале дека семејните оброци можат да ве заштитат од вишокот килограми. Собирањето за ручек или вечера со семејството нуди можност за емоционално поврзување помеѓу членовите од семејството што може да доведе до стекнување здрави навики за исхрана. Според резултатите од истражувањето, кај децата кои ручале со семејството најмалку три пати неделно постоела 24% поголема веројатност да јадат здрава храна од оние кои поретко ручале со нивните семејства.

Година на раѓање

Доколку сте родени по 1942 година, бидете внимателни. Истражувањата покажале дека дебелеењето во голема мера зависи од годината на раѓање. Кај луѓето кои имаат генетска мутација склона на дебелеење постои поголем ризик од вишок килограми ако се родиле по 1942 година.

Класична музика во ресторани

Според едно истражување, луѓето консумирале повеќе храна и кафе во ресторани со класична музика во позадина. Овој податок треба да го имате предвид ако сакате да ги намалите килограмите.

Работење навечер

Луѓето се програмирани да спијат кога е темница и да јадат во текот на денот. Работењето навечер ќе ја зголеми вашата телесна тежина, бидејќи го нарушува психолошкиот циклус, а тоа доведува до целосно намалување на дневниот трошок на енергија. Ако работите навечер, решението е да јадете помалку за да го спречите дебелеењето.

Не спиете доволно

Научно докажано е дека недостатокот на сон го зголемува вишокот килограми. Спиењето игра важна улога во здравиот метаболизам, па според тоа, кога не спиеме доволно, јадеме повеќе како еден вид на физиолошка адаптација за да останеме будни.

Научно докажани причини кои објаснуваат зошто постојано се дебелеете

Загадување на околината

Изложувањето на одредени загадувачи на околината покажала зголемен ризик од дебелеење. Причината лежи во тоа што некои загадувачи се таложат во масното ткиво. Тие стигнуваат до телото преку храната богата со маснотии, како што се месото и масните риби.

Гледање премногу телевизија

Доколку поминувате повеќе од два часа дневно пред телевизор, ќе бидете изложени на 23% поголем ризик од вишок килограми. Спиењето пред телевизор исто така го зголемува ризикот. Според едно истражување, изложувањето на вештачка светлина навечер додека спиеме, го намалува нивото на мелатонин, хормон кој нѐ штити од метаболични нарушувања кои, пак, предизвикуваат дебелеење и дијабетес.

Стрес, депресија, анксиозност

Жените кои страдаат од посттрауматски стрес се здебелуваат побрзо од оние кои не поминуваат низ истата ситуација. Но, добрите вести се што со намалувањето на симптомите на ова нарушување, и ризикот од дебелеење исто така се намалува. Освен тоа, многу луѓе реагираат на стресот со тоа што јадат храна богата со маснотии и шеќери. Научното објаснување за оваа појава е тоа што овој вид храна влијае на центарот во мозокот одговорен за чувството на задоволство и утеха.

Јадење храна со ниска масленост

Едно истражување покажало дека јадењето високо маслени млечни производи е поврзано со намален ризик од зголемување на телесната тежина, бидејќи тие многу побрзо заситуваат од производите без маснотии или со ниска масленост. Освен тоа, истражувањата покажале дека многу од производите кои се рекламираат како ниско маслени содржат повеќе калории од оние кои се сметаат за високо маслени.


За авторот
Писателот во нејзината глава вели: Дај ми англиска книжевност. Дај ми урбан апсурд и егзистенцијализам. Дај ми мистерии за човечката психа. Дај ми театар и џез како терапија.

Поврзани содржини

Остави коментар