Направете шик летен шорц од стари фармерки

Направете шик летен шорц од стари фармерки

Стари фармерки, ножици, скалпел, моливче, кујнска даска за сечкање и машина за перење алишта. Тоа е сè што ви е потребно за да ги направите овие модерни ретро шорцеви, од стариот пар фармерки кои со години фаќаат прашина во вашиот плакар.

Направете шик летен шорц од стари фармерки

1. Облечете ги старите фармерки (долги или куси) и обележете со моливче за облека, до каде точно сакате да биде нивната должина.

Направете шик летен шорц од стари фармеркиНаправете шик летен шорц од стари фармерки

2. Соблечете ги фармерките и со ножиците почнете да сечете полукружно од надворешниот кон внатрешниот раб. Оставете поголема должина кај внатрешниот раб, бидејќи поубаво ќе изгледаат ако се покуси кај надворешниот раб. Поклопете ги двете ногавици и обележете ја неисечената ногавица, за да ги поткастрите идентично.

Направете шик летен шорц од стари фармерки

3. Повторно облечете ги шорцевите и видете дали ви се допаѓа должината. Коригирајте ги уште малку доколку така преферирате. Откако ќе ја добиете посакуваната должина, поставете ја кујнската даска на масата и со скалпел направете неколку хоризонтални линии на едната ногавица и неколку пократки на другата. Притоа внимавајте да не ги исечете џебовите и задната страна од ногавиците.

Направете шик летен шорц од стари фармерки

4. Исперете ги шорцевите во машина за перење, со цел сината боја од конците да стане бела и за да добиете подефинирани отвори. За уште повеќе да ги растресете конците, употребете пинцета и повлечете ги малку. Оставете ги шорцевите да се исушат и потоа погледнете дали ви се допаѓаат. Доколку сакате повеќе отсечоци напред, повторете ја постапката со скалпелот и машината за перење, додека да станете задоволни.

Направете шик летен шорц од стари фармерки Направете шик летен шорц од стари фармерки

За авторот
Љубопитна новинарка и маркетерка со истражувачки дух, која е во вечна потрага по доза креативност. Животно мото ѝ е дека без утринско кафе, испеана песна и барем малку возбуда, не треба да ѝ помине ниту еден ден. Неостварен сон - да го прошета светот.

Поврзани содржини

Остави коментар