Направете сами: уникатни апостолки

Направете сами: Уникатни апостолки

Купувањето обувки во летниот период може да биде тешка работа за оние кои имаат големи, широки или пак многу тесни стапала. Затоа, одлично решение е да преработите некои стари апостолки или да купите евтин пар и од нив да направите сосема нов модел.

Направете сами: уникатни апостолки

Овие апостолки може да ве чинат само 200 денари, а да ви потрошат околу половина час од вашата „креативна зона“.

Потребни елементи:
  • Евтин пар апостолки
  • Кујнски ножици
  • Ткаенина по избор
  • Термопластично лепило (доколку имате)

Исечете 4 ленти од ткаенината широки 10 см, долги 60 см. Можеби ќе биде доволно и да се пократки, но најдобро е да не ризикувате при првиот обид.

Направете сами: уникатни апостолки

Од долната страна на апостолката, отсечете го задебелениот дел кој ги држи ремчињата. Откако ќе ги отстраните ремчињата, ви останува основата за вашите нови апостолки.

Направете сами: уникатни апостолки

Ткаенината ако сакате можете да ја порабите пред да почнете да ја протнувате низ основата за апостолките, но како и да постапите, во секој случај, зашилете ги краевите како на сликата.

Направете сами: уникатни апостолки

Земете две ленти и протнете ги низ отворот кај палецот.

Направете сами: уникатни апостолки

Заврзете јак двоен чвор. Чворчето ќе се вклопи во дупчето од првобитните ремчиња. Отсечете ги остатоците.

Направете сами: уникатни апостолки Направете сами: уникатни апостолки

Свртете ја апостолката на лице и врзете уште еден чвор на околу 2,5 см од основата. Ова е делот кој ќе дојде меѓу вашите ножни прсти. Држете ги двете ленти кога ќе го врзувате чворот.

Направете сами: уникатни апостолки

Сега врзете уште еден чвор, веднаш до претходниот и стегнете го цврсто.

Направете сами: уникатни апостолки

Потоа протнете ги двете парчиња ткаенина низ двете странични дупчиња.

Направете сами: уникатни апостолки

Облечете ја апостолката и видете колку ткаенина треба да остане за да ви ја држи ногата стегнато и стабилно, а потоа врзете чворчиња одоздола. Извадете ја апостолката од стапало и проверете ги чворовите. Потоа повторно облечете ја, прошетајте низ собата и проценете дали е доволно цврста. Имајте на ум дека материјалите се растегнуваат со носење, така што подобро е лентите да се добро стегнати.

Направете сами: уникатни апостолки

Потсечете ги остатоците и чворчињата ќе пропаднат во отворите. За дополнително зацврстување, капнете малку термопластично лепило во секое од дупчињата пред да ги спуштите чворчињата.

Направете сами: уникатни апостолки Направете сами: уникатни апостолки

Готово. Сега може да бидете креативни и да направите модел кој никој друг не го носи. Можете да употребувате разни материјали, да плетете неколку врвки заедно, да поставувате додатоци, па дури и да направите сандали со мала варијација во моделот.

Направете сами: уникатни апостолки Направете сами: уникатни апостолки Направете сами: уникатни апостолки

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Читај на раат!

Поврзани содржини

Остави коментар